Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> صحافتی آزادیاں:امریکی سینٹ دا 100 توں وادھو رپورٹراں تے قومی سلامتی نوں رگیدن دا الزام

صحافتی آزادیاں:امریکی سینٹ دا 100 توں وادھو رپورٹراں تے قومی سلامتی نوں رگیدن دا الزام

وچار ڈیسک
July 15th, 2017

صحافی ’’ذرائع‘‘ دا لفظ ورت کے کدی کدی مختلف ایجنڈے وی چلاندے نیں پر ایسے وی کھوجی جرنلسٹ نیں جیہڑے اندر دی گل تیک اپڑ جاندے نیں۔صحافی کتھے کھوج لا رہیا ہے تے کتھے ایجنڈا ایس وچ فرق بڑا تھوڑا ہوندا ہے۔ایہہ سب کھیڈ دا حصہ کہ جس نوں صحافتی آزادیاں دی چھتری ہیٹھ چلایا جاندا ہے۔اکثر صحافتی آزادیاں دی چھتری دا قومی مفاد دی چھتری نال ٹاکرا ہو جاندا ہے یا کروا دتا جاندا ہے۔ساڈے جیہے ملکاں وچ تے قومی مفاد دی تعریف دا ہی مسلہ ہے کہ ڈکٹیٹراں تے تنقید نوں وی قومی مفاد تے حملہ آکھ دتا جاندا ہے۔ایہہ اک کمزور ریاست دا بوتھا ہے اتے ہن ٹرمپ ہوراں دے دور وچ ایہو کجھ امریکہ وچ ہو رہیا ہے۔
واشگٹن توں آئی خبر وچ دسیا گیا ہے کہ امریکی سینیٹ کمیٹی نے ٹرمپ انتظامیہ دی اندر دی خبراں دین والے 100 توں وادھو رپورٹراں تے قومی سلامتی نوں نقصان پہنچان دا الزام لا دتا ہے۔ رپورٹراں تے ایہہ حملہ تنگ نظری نوں ظاہر کردا ہے۔دان جانسن دی سربراہی وچ سینیٹ کمیٹی برائے ہوم لینڈ سکیورٹی نے ٹرمپ انتظامیہ دے دوران سامنے آن والی خبراں دی لیکس تے اک تفصیلی رپورٹ تیار کیتی ہے۔ ایس وچ 125 خبراں تے آرٹیکلاں دا دا حوالہ دیندے ہوئے 100 توں وادھو صحافیاں دے ناں وی دتے نیں جیہناں نے ایہہ خبراں دے کے مبینہ طور تے قومی سلامتی نوں نقصان پہنچایا ہے۔
کمیٹی ٹو پروٹیکٹ جرنلسٹس دا کہناہے کہ رپورٹ دے تیاری وچ کوئی سائینٹفک طریقہ کار اختیار نہیں کیتا گیا سگوں ایس وچ سیاسی عنصر نمایاں ہے جس وچ معلومات دے اظہار تے قومی سلامتی دے درمیان غلط مثال پیدا کرن دی کوشش کیتی گئی ہے۔ رپوٹراں دی ایس طراں توں نشاندہیاں کرنا آزاد قوماں دا وطیرہ نہیں اتے ایہہ انہاں ملکاں وچ ویکھن وچ آندا ہے جتھے شخصی آزادیاں نہیں ہوندیاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels