Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بی بی سی تے پانامہ گوشہ مڑ آگیا: سعودی عرب، یو اے ای تے لندن نوں کیہہ غصہ ہے؟

بی بی سی تے پانامہ گوشہ مڑ آگیا: سعودی عرب، یو اے ای تے لندن نوں کیہہ غصہ ہے؟

وچار ڈیسک
July 11th, 2017

برطانیہ دے سعودی عرب نال اسلحہ دے سودے کہ ایمنسٹی والے وی بول اٹھے۔برطانیہ اوہ ملک جو ٹیکس چوریاں دی آف شورجنتاں بناون وچ سب توں اگے پر بی بی سی کدی ایس بارے گوشہ نہیں بناندا۔جداں یورپی یونین آف شور جنتاں نوں رگیدیا تے انہاں تے گھیرا تنگ کیتا تے برطانیہ دے وڈے ٹیکس چوراں نے بریگسٹ کروا دتا اتے ایس سب وچ گولڈ سمتھ خاندان اگے اگے سی۔اج دے دیہاڑ تیک برطانیہ نے آف شور چوریاں خلاف اک قدم نہیں چکیا۔ پر بی بی سی نوں پاکستان وچ پانامہ کیس اینج ہی چنگا لگدا ہے جس طراں اوہ دھرنیاں نوں چکدے سن۔پاکستان دے چین نال سانگے ہورے سلطنت نوں پسند نہیں آئے اتے اوہ سی پیک تے چین خلاف سٹوریاں وادھو چھاپدے نیں۔کتھے اوہ پاکستان نوں اج وی اپنی ’’نوآبادی‘‘ سمجھدے نیں؟ اتے سمجھدے نیں کہ چین پاروں پاکستان انہاں دے قابو توں باہر ہو رہیا ہے۔برطانیہ وانگ متحدہ عرب امارات نوں وی چین تے غصہ وادھو کہ گوادر دا بھوت دبئی والیاں نوں بہوں تنگ کردا ہے۔سعودی عرب دا ماملہ ہور کہ اوہ یمن دی لڑائی ویلے توں کھار کھائے بیٹھا ہے اتے ہن جداں پاکستان سعودی امریکی اتحاد بارے سوال چکے نیں تے اوس نوں غصہ زیادہ آندا ہے۔پاکستان نہ ایران مخالف مہماں دا حصہ بندا ہے تے نہ وقطر نال سانگے مکائے تے کہانی سمجھ آندی ہے۔امرہکہ پہلے ہی ٹرمپ پاروں توپاں دا رخ ادھر کیتا ہویا ہے۔ایہہ ہے اوہ نیا پاکستان جس نوں بناون وچ بہوں سارے ہرکارے لگے ہوئے نیں۔چین ، روس، ایران ،قطرتے ترکی دا بندا اتحاد کس کس نوں تنگ کر رہیا ہے ایہہ سب دے سامنے، کجھ آگیا ہے۔ تے کجھ آن لئی تیار۔عالمی میڈیا وچ سعودی عرب نوں برطانیہ ولوں اسلحہ ویچن تے رگیدیا گیا۔ایمنسٹی انٹرنیشنل دے انسانی حقوق تے اسلحیاں وچ گھاٹیاں دے آگو جیمز لینچ نے سعودی عرب نوں اسلھہ ویچن دے برطانوی فیصلے نوں ہولناک جرماں وچ سلطنت دی رلت آکھیا ہے۔برطانیہ وچ اسلحہ دی تجارتاں خلاف بنائے گروپ دے پردھان اینڈریو سمتھ انہاں سودیاں خلاف عدالت چلے گئے۔انہاں آکھیا کہ جے ایہہ سودے برقرار رہے تاں ایہہ گل آکھی جائے گی کہ برطانوی حکومت انسانیت خلاف آمرانہ سعودی حکومت دے نال ہے۔گروپ دا آکھنا سی کہ جو کجھ سعودی عرب یمن وچ کر رہیا ہے ساڈے وزیر اسلحہ ویچدے ہوئے اوس ظلم دا حصہ نیں۔سعودی عرب نوں ویچے جان والے اسلحہ وچ ٹائیفون تے ٹورنیڈو لڑاکا جنگی جہاز تے پرسیشن گائیڈڈ بم وی شامل نیں۔ مہان برطانوی عدالت اسلحہ ویچن نوں جائز آکھدے ہوئے دسیا کہ اساں انہاں شواہد پاروں فیصلہ کیتا ہے جہیڑے سیکورٹی وجوہات پاروں اساں دس نہیں سکدے۔عدالت دے ایس فیصلے نوں بی بی سی تے سلاہنا ہی سی اتے اوس دا لنک وی تھلے دے رہے ہاں پر جے ایس سب بارے پاکستانی بن کے سوچو تے ساری کہانی دے کردار رلدے ملدے نظر آوندے نیں۔
BBC smart story
http://www.bbc.com/urdu/world-40557328


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels