Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> افغانستان: بامیان دی شیعہ کونسل موسیقی دے تہوار تے پابندی لادتی

افغانستان: بامیان دی شیعہ کونسل موسیقی دے تہوار تے پابندی لادتی

وچار ڈیسک
July 10th, 2017

شدت پسنداں، قدامت پرستاں اتے بنیاد پرستاں نوں تساں کسے وی دھرم، فرقہ ،قوم یا لسانی جتھے بندے وچ لبھ سکدے ہو اتے ایہہ آپ اوس جتھے بندیاں دی بدنامیاں کرواندے نیں جس دا ایہہ دن رات ناں لیندے نیں۔خبر وچ دسیا گیا ہے کہ افغانستان دے صوبے بامیان وچ شیعہ کونسل دے لیڈراں موسیقی دے اک مقامی تہوار نوں حرام قرار دیندے ہوئے ایس تے پابندی لادتی ہے۔ جداں کہ کئی دوجے مکتبہ فکر دے مذہبی لیڈراں نے ایہہ کہندے ہوئے ایس نوں سراہیا ہے کہ ایہہ فن تے ثقافت دی تقریب ہے۔ مقامی عہدے داراں دا کہنا ہے کہ مذہبی لیڈراں توں اختلافات دے باوجود منتظمین متھے پروگرام دے مطابق دو روزہ ڈومبرہ میوزک فیسٹول دا انعقاد کرن دے تے مذہبی کونسل ولوں جاری ہون والا بیان انہاں دے ثقافتی تہوار نوں متاثر نہیں کرے گا۔ ایہہ تہوار جمعے تے ہفتے دے روز منعقد کیتا جا رہیا ہے۔
ڈومبرا، بربط یا طنبورہ نما ساز ہے تے ایہہ ساز وسطی افغانستان دی اکبھرویں شناخت ہے۔ ایس ساز نوں افغانستان دے مختلف صوبیاں وچ مختلف ناماں توں پکاریا جاندا ہے اتے ایس ساز ددی موسیقی نوں شوق نال سنیا جاندا ہے۔ شعیہ مذہبی کونسل نے اپنے بیان وچ آکھیا ہے کہ ساز وجانا تے ایس دے نال رقص کرنا تے خوشی منانا تے ڈومبرا وجانا اسلامی قدراں خلاف ہے۔ بیان وچ آکھیا گیا ہے کہ مقامی انتظامیہ نوں لازمی طور تے ایس طراں دی تقریباں روکن لئی کاروائی کرنی چاہیدی ہے جیہناں توں اخلاقی بے راہ روی پھیلدی ہے۔ ثقافتی امور نال متعلق مقامی شعبے نے شیعہ کونسل دے بیان نوں مسترد کردے ہوئے آکھیا ہے کہ ایہہ تقریباں با میان دے رہن والیاں دی درخاست تے منعقد کیتیاں جارہیاں نیں تے ایس تقریب دے ذریعے مقامی آبادی دی ثقافتی پکھاں دی نمائندگیاں ہوندیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels