Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> جی20:امریکہ اکلا تے19اک پاسے۔موسمی وٹاندرے پاروں امریکی تنہائیاں۔جھنڈی

جی20:امریکہ اکلا تے19اک پاسے۔موسمی وٹاندرے پاروں امریکی تنہائیاں۔جھنڈی

وچار ڈیسک
July 9th, 2017

ٹرمپ ہوری بڑی محنتاں نال اج کل امریکہ نوں دنیا توں کٹن تے لگے نیں۔سعودی عرب نوں اگے لا کے اوہ مڈل ایسٹ وچ جیہڑا کھیڈ شروع کرنا چاہندے سن اوس وچ ناکامی بعدوں ہن جرمنی وچ ہون والی اک وڈی کانفرنس وچ اوہ اکلے رہ گئے۔کانفرنس بعدوں جاری سانجھے بیان وچ اک پاسے دنیا وچ فری تجارتاں دی گل نوں تھاپڑا دتا گیا تے دوجے پاسے موسمی وٹاندرےClimate Changeبارے وی گل چھوئی گئی۔موسمی وٹاندرے تے چین، روس، جرمنی،فرانس حتاکہ سعودی عرب ، برطانیہ تے بھارت وی ٹرمپ دے نال نہیں گئے۔20وچوں پورے 19ملکاں ٹرمپ نوں جھنڈی کرا دتی۔جنمنی دی چانسلر تے ایہہ آکھ دتا پئی میں تے بہوں خش ہاں کیانجے امریکہ توں اڈ، سارے ملکاں پیرس معاہدے دی راکھی لئی تیار نیں۔انہاں برطانیہ دی وزیراعظم دے ایس ہشیار بیان تے انہاں نوں رگیدیا جس وچ امریکہ دے مڑ پیرس معاہدے وچ آون دے خیال نوں پیش کیتا گیا سی۔میکرون ہوراں اعلان کیتا کہ بارہ دسمبر نوں اوہ پیرس وچ موسمی وٹاندرے بارے اک وڈی عالمی کانفرنس کراں گے۔ایس عالمی اکٹھ دے باہرگلوبلائزیشن مخالفاں گھراؤ جلاؤ جاری رکھیا اتے ایس وچ200پلس والے زخمی ہوئے تے234احتجاجی دھرے گئے جنہاں وچوں134نوں چھڈ دتا گیا۔

German Lady clip
https://youtu.be/pV0Dkhp76J4
Protest video
https://www.reuters.com/article/us-g20-germany-protests-idUSKBN19Q0RL


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels