Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت تے اسرائیل گٹھ جوڑ؟ پاکستان ہشیار تے چین تیار

بھارت تے اسرائیل گٹھ جوڑ؟ پاکستان ہشیار تے چین تیار

وچار ڈیسک
July 8th, 2017

دنیا تیزی نال بدل رہی ہے اتے نویں اتحاد بن رہے نیں پر اساں آپسی لڑائیاں توں نہیں نکل رہے۔پچھلے ترے سالاں وچ دھرنیاں توں پانامہ تیک اساں دنیا دے بدلدے بوتھے نوں پڑھن دی تھاں جیہڑا ویلہ برباد کیتا ہے اوس پاروں اساں کوئی پکی سوچ نہیں رکھدے۔بھارت تے اسرائیل دے گٹھ جوڑ وی ساڈے تے کوئی اثر نہیں پایا کیونجے ساڈے کول ویل ہی نہیں۔کجھ تے ایہہ سمجھدے نیں کہ پاکستان کسے نہ کسے طراں ٹرمپ دے دربار وچ حاضریاں دے اتے سعودیاں نال کھلو جائے تے کم ٹھیک ہو جائے گا۔حلانکہ آئی فار آئی پاروں اسرائیل ایہہ اعلان کیتا ہے کہ اوہ بھارت خلاف لڑن والیاں نال نبڑے گا اتے ایس دا وڈا حوالہ چین ہے۔کیہہ پاکستان چین مخالف مہم دا حصہ بن سکدا ہے یا ایس تے چپ رہ سکدا ہے؟ تساں ہن خبر پڑھو تے سوچو کہ کیہہ پاکستان نوں ایڈی ہی تیزی نال روس نال سانگے ودھانے نہیں چاہیدے سن؟ ایس سال دے اخیر وچ اسرائیلی وزیراعظم بھارت دا دورہ کرنا ہے اتے جے چین بھارت جھیڑا ودھ گیا تے ایہہ دورہ پہلاں وی ہوسکدا ہے۔اج کل لگدا ہے ہر کوئی دوجیاں نوں ڈراون لئی اپنے گلے وچ سپ پا کے پھر رہیا ہے پر ایہہ سپ کتھے وڈھ نہ لے، ایس دا حساب کتاب رکھنا آسان نہیں۔

نئی دہلی :بھارت تے اسرائیل نے خلائی میدان وچ تعاون ودھان تے باہمی تجارت وچ اضافے سمیت معاہدیاں تے دستخط کردتے نیں۔ معاہدیاں تے دستخط دوناں ملکاں دے اعلیٰ حکام نے بدھ نوں تل ابیب وچ ایسے وقت کیتے جداں بھارت وزیر اعظم نریندر مودی اسرائیل دے اپنے پہلے دورے تے سی۔ وزیرِعظم مودی نے بدھ نوں اپنے اسرائیلی ہم منصب بینجمن نیتن یاہو تے صدر ریون ریولن نال ملاقات کیتی تے اقتصادی و دفاعی تعاون ودھائے تے انسدادِ دہشت گردی سمیت متعدد امور تے تبادلہ خیال کیتا۔ ملاقات دے بعد دوناں وزرائے اعظم ولوں جاری اک مشترکہ بیان وچ آکھیا گیا ہے کہ ساڈی گل بات صرف باہمی امور تے ہی مرکوز نہیں رہی سگوں اسی انسداد دہشت گردی تے وی تبادلہ خیال کیتا جس نال عالمی امن و استحکام نوں خطرہ لاحق ہے۔ اسی ایس بارے باہمی تعاون تے رضا مندی وی ظاہر کیتی ہے۔ ایس موقع تے دوناں وزرائے اعظم نے صنعتی شعبے وچ ٹیکنالوجی نوں ترقی دین لئی 40 ملین ڈالر دے اک مشترکہ فنڈ دے قیام دا وی اعلان کیتا۔ ایس توں پہلے اسرائیلی صدر نال ملاقات دے موقع تے نریندر مودی نے دوناں ملکاں وچ باہمی قربت ولوں اشارہ کردے ہوئے اک جملہ ’’آئی فار آئی‘‘ ادا کیتا یعنی اسرائیل فار انڈیا، انڈیا فار اسرائیل۔ ایس موقع تے اسرائیلی صدر مودی دا گرم جوشی نال استقبال کردے ہوئے آکھیا کہ دوناں ملک اک دوجے دے بردست حلیف ثابت ہون گے۔ نریندر مودی اسرائیل دا دورہ کرن والے بھارت دے پہلے وزیراعظم نیں تے ایس لئی یہودی مملکت وچ انہاں دا شاندار استقبال ہورہیا ہے۔ مودی جداں منگل دی سہ پہر تل ابیب دے بین الاقوامی ہوائی اڈے تے اترے سن تے نتین یاہو نے انہاں دا ریڈ کارپیٹ استقبال کیتا سی۔ ایس موقع تے ہون والی مختصر تقریب وچ نیتن یاہو نے اپنے خیر مقدمی کلمات وچ مودی نوں مخاطب کردے ہوئے بندی وچ ’’آپ دا سواگت ہے میرے دوست‘‘ وی آکھیا۔ اپنے خطاب وچ نیتن یاہو دا مزید کہنا سی، اسی پچھلے سالاں توں تہاڈاں انتظار کررہے سی۔ بلاشبہ ایہہ اک تریخی دورہ ہے۔ مودی دے دورہ اسرائیل تے بھارت وچ سب دی نظراں لگیاں ہوئیاں نیں۔ وڈے وڈے بھارتی اخبارات وچ کئی کئی صفحیاں دے اشتہارات شائع کیتے جارہے نیں تے نیوز چینلاں تے مباحثیاں تے یروشلیم توں براہِ راست رپورٹنگ دا سلسلہ وی جاری ہے۔ پر بھارتی وزیراعظم دے فلسطینی اتھارٹی دے مرکز راملہ نہ جان تے تجزیہ کاراں، دانشوراں تے بعض سیاست داناں نے اظہار افسوس کیتا ہے۔ سینئر تجزیہ کار تے مسلم پولیٹیکل کونسل دے صدر ڈاکٹر تسلیم رحمانی نے وائس آف امریکہ نال گل کردے ہوئے آکھیا کہ ایس دورے نال بھارت دے بجائے اسرائیل نوں فیدہ ہوئے گا۔ انہاں نے آکھیا کہ اسرائیل چاہندا ہے کہ اوہ بھارت دی سرزمین دت ذریعے جنوبی ایشیا وچ اپنے قدم جما سکے۔ انہاں دے بقول اسرائیل دے محاصرے کا شکار فلسطینی علاقے غزہ کیتی قیادت نوں مکمل طور تے نظر انداز نہیں کیتا جاسکدا جتھے انہاں دے بقول 18 لکھ فلسطینی قید دی زندگی گزار رہے نیں۔ ڈاکٹر تسلیم دا کہنا سی کہ بھارت ہمش مظلوماں لئی آواز چکدا رہیا ہے تے اسرائیل دے دورے دوران غزہ دے لوکاں نوں نظر انداز کرنا بھارت دی دیرینہ خارجہ پالیسی دی شدید مخالفت ہے۔ دوجے بہت تجزیہ کاراں نے وی وزیراعظم مودی ولوں دورے دے دوران فلسطینی قیادت نوں نظر انداز کرن نوں فلسطین توں متعلق بھارت دے موقف وچ تبدیلی قرار دتا ہے۔ جداں کہ حکومت دا موقف ہے کہ بھارت دی پالیسی وچ کوئی تبدیلی نہیں آئی ہے تے بھارت فلسطینی کاز دی حمایت جاری رکھے گا۔ ایدھر فلسطین دے شہر راملہ وچ بھارتی قونصل خانے دے باہر اسرائیل دی حمایت کرن تے بھارت دے خلاف مظاہرہ وی ہویا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels