Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> لندن اگ :حکومتی بے حسی ،عام شہریاں وکھالا کیتا۔اداریاں نوں بچاون دی کوشش(ویڈیو)

لندن اگ :حکومتی بے حسی ،عام شہریاں وکھالا کیتا۔اداریاں نوں بچاون دی کوشش(ویڈیو)

وچار ڈیسک
June 17th, 2017

ملکہ دے ڈنگ ٹپاؤ دورے نال گل نہیں بنی۔لوکاں نوں حکومت تے ریاست دوناں تے غصہ ہے۔رہائشی عرصہ توں پلازے دی بھیڑی حالتاں بارے گل کر رہے سن۔ماہرین لمیرے چر توں بلڈنگاں دی چیکنگ بارے چیخ رہے سن۔جے عمارت وچ اگ توں بچن دا بندوبست کمزور سی تے ایس دا ذمہ وار کون؟پلس ولوں ایڈی چھیتی ایہہ بیان آنا کہ سارے مرن والیاں بارے مکمل معلومات نہیں ملن گیاں، کجھ عجیب جیہا ہے۔کیہہ پلس کجھ لکانا چاہندی ہے؟معاوضہ ایس دا متبادل نہیں۔اگ بجھاون والیاں اپنا کم کیتا پر جے بلڈنگاں دی حفاظتاں دا بندوبست کوڑ سی تے ایہہ کس دا قصور ہے؟ لندن دے مئیرنوں وی آکھنا پئے گیا کہ پلس ساری معلومات عوام نوں دے۔لندن دی عمارت وچ لگن والی اگ تے حکومتی بے حسی دے خلاف لوک سڑکاں تے نکل آئے تے تھریسامے خلاف نعرے بازی کیتی۔
احتجاجیاں مقامی ٹاؤن ہال عمارت تے دھاوا دتا تے وزیر اعظم دی گاڑی روک کے شدید نعرے بازی کیتی۔ دوجے پاسے اگ لگن توں ہلاک افراد دی تعداد 30 ہوگئی۔ لندن دے گرینفل ٹاور وچ لگن والی اگ دے خلاف شہر وچ مظاہرے ہوئے جیہناں وچ بے گھر متاثرین لئی فوری امداد دا مطالبہ کیتا گیا۔ ٹین ڈاوننگ اسٹریٹ دے باہر شدید احتجاج کیتا گیا۔ 50 توں 60 مظاہرین نے کنزنگٹن تے چیلسی ٹاون ہالز وچ وی داخل ہون دی کوشش کیتی جتھے وزیر اعظم متاثرین نال اظہار ہمدردی لئی موجود سی۔ اوتھے مظاہرین نے خوب نعرے بازی کیتی۔ پلس دے مطابق ہن تک دے شواہد دے مطابق اگ کسی نے جان بجھ کے نہیں لائی۔ملکہ ہوراں وی دورہ کیتا ہے پر ملکہ دا دورہ لوکاں دے غصے نوں ٹھنڈا نہیں کر سکیا۔
Hundreds of people gathered outside the town hall building chanting, "We want justice," and "Bring them out." The protesters demanded to know the true number of people who died in the fire.

Protest video

https://youtu.be/r6Qxr8x-aYE


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels