Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چونویں قیادتاں تے حملے خطرناک نیں۔ریپبلکن تے ڈیموکریٹ رل گئے۔ممبر کانگریس شدید زخمی۔اساں اک خاندان ہاں

چونویں قیادتاں تے حملے خطرناک نیں۔ریپبلکن تے ڈیموکریٹ رل گئے۔ممبر کانگریس شدید زخمی۔اساں اک خاندان ہاں

وچار ڈیسک
June 15th, 2017

امریکی صدر ڈونالڈ ٹرمپ نے آکھیا ہے کہ ریاست ورجینیا دے شہر، الیگزینڈریہ دے بیس بال فیلڈ تے شوٹنگ دے وقوعے وچ ملوث حملہ کرن والا مارا گیا۔ جداں کہ زخمی ہون والے رکن کانگریس سٹیو سکالسی( Steve Scalise ) ’’صحت یاب ہو رہے نیں‘‘۔ اوہناں نے ایہہ گل بدھ دی شام قوم نال اپنے مختصر خطاب وچ آکھی۔ جداں کہ دارالحکومت واشنگٹن ڈٰی سی دے مڈسٹار واشنگٹن ہاسپٹل سینٹر دے اک بیان وچ آکھیا گیا کہ کانگریس مین سٹیو سکالسی دی حالت تشویش ناک دسی گئی ہے۔ امریکہ دے دارالحکومت واشنگٹن ڈی سی دے نیڑے فائرنگ دے واقعے وچ کانگریس کے رکن سٹیو سکالسی سمیت گھٹ و گھٹ چار بندے زخمی ہوگئے نیں۔ اطلاواں پاروں سکالسی دوجے ارکانِ کانگریس دے نال واشنگٹن ڈی سی نال جڑے ورجینیا دے علاقے الیگزنڈریہ دے اک میدان وچ بیس بال دی پریکٹس کر رہے سن جدوں انہاں تے فائرنگ ہوئی۔ خبراں وچ دسیا گیا کہ سکالسی دے لک وچ گولی لگی ہے جداں کہ فائرنگ نال ارکانِ کانگریس دی حفاظت تے مامور کیپٹل ہِل پلس دے گھٹ و گھٹ دو اہلکاراں دے زخمی ہون دی وی اطلاع ہے۔ سٹیو سکالسی دا تعلق ری پبلکن پارٹی توں ہے تے اوہ جنوبی امریکی ریاست لوزیانا توں ایوانِ نمائندگان دے منتخب رکن نیں۔ایہہ خبر وائس آف امریکہ چھاپی ہے۔ صدرٹرمپ نے اپنی اک ٹویٹ وچ اسٹیو دی صحت یابی دی دعا کیتی ہے۔ جس وقت فائرنگ ہوئی ایس وقت ارکانِ کانگریس اپنے بیس بال دے سالانہ میچ دی پریکٹس وچ مصروف سن جو جمعرات نوں ہونا سی۔ فائرنگ دے وقت موقع تے موجود اک ہور رکنِ کانگریس مو بروکس نے 'سی این این' نوں دسیا ہے کہ فائرنگ کرن والا شخص اک سفید فام مرد سی جس میدان وچ موجود افراد نوں نشانہ بنایا۔ مو بروکس دے مطابق فائرنگ دے وقت میدان وچ 20 توں 25 افراد موجود سن جیہناں نے اِدھرُ ادھر لُک ا تے زمین تے لیٹ کے خود نوں بچایا۔ الیگزنڈریہ پلس نے اک ٹوئٹ وچ مشتبہ حملہ آور نوں حراست وچ لین دا دعویٰ کیتا سی۔ الیگزینڈریا دے اک رہائشی اوین بریٹن نے حملہ آور دے بارے وچ دسیا کہ اوہ اک درمیانی عمر دا شخص سی جس دی عمر دا اندازہ 55 توں 65 سال دے درمیان سی۔ ایس دے وال سفید سن ایس نے نیلے رنگ دی پولو شرٹ پہن رکھی سی۔ بریٹن دا کہنا ہے کہ اوہ ایس وقت تک ایک کالے رنگ دی ایس یو وی گڈی توں پلس تے فائرنگ کردا رہیا جدوں تک بظاہر اوہ پلس دی گولی نال زخمی نہیں ہویا تے پلس نے ایس نوں زمین تے لٹا کے ہتھکڑی نہیں لگا دتی۔ اینج لگدا ہے کہ حملہ آور صدر ٹرمپ دا سخت مخالف سی۔ کیونجے امریکہ دہ بہوں ریاستاں وچ اسلحہ رکھن دی اجازتاں نیں تاں مارے اوہ سرعال اک وڈی گن لے کے پھردا رہیا۔ایس وقوعے بعدوں دوناں پارٹیاں دے ممبر اسمبلی سانجھا بیان جاری کردے ہوئے ااکھیا کہ اساں اک خاندان ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels