Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران تے حملہ: ایہہ خبر نہیں، خاہش جے۔ٹرمپ دی یا برطانیہ دی؟ یا ٹرمپ ڈراؤ پراجیکٹ

ایران تے حملہ: ایہہ خبر نہیں، خاہش جے۔ٹرمپ دی یا برطانیہ دی؟ یا ٹرمپ ڈراؤ پراجیکٹ

وچار ڈیسک
June 14th, 2017

اج کل خبراں دا دھرا ہے ایران، سعودی عرب تے قطر تے خاہشاں نوں خبراں راہیں پھیلاون دا فن بڑے بڑیاں نوں آندا ہے۔اج دے جنگ اخبار نے برطانیہ دے انڈیپینڈنٹ اخبار دے لکھاری ولوں لکھے آرٹیکل توں ایہہ ہشیار خبر بنائی ہے جس نوں تھلے چھاپ رہے ہاں۔ایہہ خاہش ہے یا ٹرمپ ڈراؤ پراجیکٹ ایس بارے تساں آپ اندازے لاؤ۔پہلاں سعودی عرب نوں ڈرا ڈرو کے لمیاں پایا تے ہن ایران دی واری جے اتے ایران توں بعدوں ساڈا قرعہ وی نکل سکدا ہے کہ تاں مارے اج سانوں اپنا بوتھااینج دا رکھنا لوڑی دا ہے کہ سب اک صفحہ تے ہون۔ہشیار میڈیا ٹرمپ ڈراؤ پراجیکٹ اتے چین مخالفتاں توں پراں رہے اتے خطہ وچ ساڈے یار وادھو ہون۔

برطانوی اخبار نے دعویٰ کیتا ہے کہ امریکی صدر ڈونلڈ ٹرمپ آن والے دو سالاں وچ ایران تے ایٹمی حملہ کرسکدا ہے۔‘ ٹرمپ دے نال کشیدگیاں توں بچن لئی تہران اپنے ایٹمی پروگرام نوں مکا سکدا ہے۔ ایران روسی صدر پیوٹن نوں ایس معاملے وچ مداخلت لئی وی راضی کر سکدا ہے۔ برطا نو ی اخبار’دی انڈی پینڈنٹ‘ وچ چھپے برطانوی حکومت دے سابق خصوصی مشیر انڈریو ہیمنڈ دے مضمون وچ آکھیا گیا کہ جوہری ہتھیاراں دے استعمال وچ کسی وی امریکی لیڈر دے مقابلے وچ ٹرمپ تیزیاں وکھا سکدے نیں۔ جے امریکہ نے ایٹمی ہتھیار استعمال کیتے تے اوہ ایران تے شمالی کوریا دے خلاف ہون گے۔‘افغانستان وچ بماں دی ماں دا تجربہ بری طراں ناکام ہو گیا۔ ہن امریکہ دے کول جوہری ہتھیاراں دے استعمال دے علاوہ کوئی رستہ نہیں۔شمالی کوریا تے ایٹمی بم دے استعمال توں ہمسایہ ملک اٹھ کھڑے ہون گے جداں کہ ایران دنیا وچ تنہا ہے ایس دا کوئی اتحادی نہیں۔ مضمون وچ آکھیا گیا کہ ڈونلڈ ٹرمپ نے حال ہی وچ اشارہ دتا ہے کہ ایرانی عوام دے پرانے تے نویں حریفاں وچ صف بندیاں ہو رہیاں نیں تے اینج پہلے تریخ وچ کدی ویکھن وچ نہیں آیا جس تے ایران نوں پریشانیاں ہونیاں چاہیدیاں نیں۔ڈونلڈ ٹرمپ دے بہوں سارے ناقداں دا دعویٰ ہے کہ ٹرمپ اک ناقابل اعتبار شخص ہے جس دے قول و فعل وچ تضاد ہے ایس لئی ایس دے مستقبل بارے پیش گوئی کرنا زیادہ آسان نہیں ہے۔ ٹرمپ دا جوہری ہتھیاراں دے متعلق بیان زیادہ خوفناک ہے جس وچ انہاں نے آکھیا سی کہ جے استعمال نہیں کردے تے جوہری ہتھیار رکھن دا کیہ مطلب ہے؟لکھاری سوال چکدا ہے کہ کیہ ٹرمپ تے ایس دے حواری کسی ویری ریاست دے زیر زمین جوہری خزانے نوں ختم کرن لئی چھوٹے جوہری ہتھیاراں نوں ورت سکدے نیں۔ ایران ایس وقت اقتصادی،فوجی تے سیاسی محاذیاں تے مصروف ہے،ایس دا کوئی دوست نہیں رہیا۔ ٹرمپ ایراناو تے چھوٹے جوہری بم ورت سکدا ہے،جس تے کجھ ہمسائے جذباتی ردعمل دے سکدے نیں، زیادہ تر خموشی نال ایس نوں جی آیا نوں آکھن گے۔ ایران حملے توں بچن لئی اپنے جوہری پروگرام نوں ترک کردے گا یا پیوٹن نوں راضی کرے کہ اوہ مداخلت کرے۔ ایران لئی پریشان ہون دی بہوں ساریاں وجہاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels