Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ تے پاکستان دا فرق:ادارے پارلیمنٹ نوں جوابدے، کسے دی عزت گھٹدی نہیں

امریکہ تے پاکستان دا فرق:ادارے پارلیمنٹ نوں جوابدے، کسے دی عزت گھٹدی نہیں

وچار ڈیسک
June 12th, 2017

امریکہ دی سب توں وڈی ایجنسی دا وڈکا پارلیمنٹ وچ آکے اپنی گل کردا ہے تے ایجنسی دی عزت وچ کوئی فرق نہیں آندا پر پاکستان وچ پارلیمنٹ اتے چونویں آگواں نوں اداریاں دے اگے پیش کیتا جاندا ہے اتے پھانسیاں تے معطلیاں دی تریخ وادھو۔تھلے اوس خبر دا حوالہ جس نوں پچھلے ہفتہ نوں مغربی میڈیا وچ بربر وکھایا گیا کہ اک ایجنسی دا وڈکا اسمبلی دے ممبراں دے سوالاں دا جواب دیندا رہیا۔میڈیا ایس نوں ریٹنگ پاروں وگاڑیا نہیں اتے اپوزیشن وی ایس دا ذاق بناون دی تھاں سارا زور اپنی دلیلاں تیک رکھیا۔خبر دی تفصیلاں پڑھ لو کہ بڑے اوکھے سوال وی اک کینڈے وچ ہوئے۔ساڈے ایتھے تے ججاں دے ریمارکس تے بریکنگ نیوزاں بنائی جاندیاں نیں اتے سارا زور ایس گل تے رہندا ہے کہ پارلیمنٹ تے چونویں قیادتاں نوں رگیدیا جائے۔ہن تسان خبر پڑھو

ایف بی آئی دے سابق سربراہ، جیمز کومی نے امریکی قنون سازاں نوں دسیا کہ صدر ڈونالڈ ٹرمپ نے آکھیا سی کہ اوہ اوہناں نال وفاداری دا عہد کرن تے اوہناں تے زور دتا سی کہ اوہناں دے مشیراں تے روسیاں درمیان رابطیاں دی تفتیش دے معاملے نوں مکایا جائے۔ ٹرمپ نے کومی نوں پچھلے مہینے عہدے توں ہٹایا سی۔ کومی نے آکھیا کہ ملک وچ جرماں دی تفتیشاں لئی کم کرن والے چوٹی دے ادارے دے سربراہ نوں معطل کرن دا فیصلہ کردے وقت اوہناں دے ذہن وچ ’’روسی چھان بین دا معاملہ‘‘ سی۔ سینیٹ دی انٹیلی جنس کمیٹی دے سامنے کومی دی پیشی، اپنی نوعیت دی پہلی عام سماعت سی، جس وچ کومی نے دسیا کہ انہاں نوں فارغ کیتے جان توں پہلے اوہناں دی صدر نال نو وار گل ہو چکی سی جیہناں چوں تِنٰ ملاقاتاں سن اتے چھ ٹیلی فون کالاں ۔ اوہناں نے قنون سازاں نوں دسیا کہ صدر دے مشیراں انہاں نوں کڈھوان وچ کردار ادا کیتا۔ اوہناں آکھیا کہ ایف بی آئی سربراہ دے طور تے اوہناں دی کارکردگی باتے سوال چکے گئے تے انہاں نوں ’’بدنام کیتا گیا۔ انہاں نوں ایس لئی ہٹایا گیا، کیونکہ ’فیڈرل بیورو آف انویسٹی گیشن‘ نے روس دے متعلق تفتیش جاری رکھی ہوئی سی۔ کومی نے آکھیا کہ امریکی خفیہ برادری دی ’’انتہائی پُراعتماد رائے‘‘ وچ روس نے انتخابی مہم وچ مداخلت کیتی سی۔ تاکہ ٹرمپ اپنی مدمقابل ڈیموکریٹک پارٹی دی امیدوار تے سابق امریکی وزیر خارجہ ہیلری کلنٹن نوں شکست دین۔ ’’ایہہ کوئی ڈھکی چھپی گل نہیں‘‘۔ اپنے ابتدائی بیان وچ کومی نے تفصیل بیان کیتی کہ ٹرمپ ولوں عہدہ سنبھالن دے فوری بعد، جنوری وچ وائٹ ہاؤس وچ رات دے کھانے وچ کس طراں صدر نے اوہناں نوں آکھیا سی کہ ’’مینوں وفاداری چاہیدی ہے، مینوں وفاداری دی توقع ہے‘‘۔ اوہناں نے آکھیا کہ ’’ایس دے بعد، تکلیف دہ خموشی چھا گئی۔ میں ساکت رہ گیا، کجھ نہیں آکھیا، نا ہی اپنے چہرے توں کسی طراں دا کوئی تاثر دتا۔ بس، اسی خموش اک دوجے ول ویکھدے رہے‘‘۔کمیٹی دے چوٹی دے ڈیموکریٹ سینیٹر، مارک وارنر نے، جیہاں دا تعلق ورجینیا توں ہے، ٹرمپ دے مکالمے نوں، جس نوں کومی نے اپنے الفاظ وچ بیان کیتا، ’’انتہائی پریشان کْن‘‘ قرار دتا۔اک ہور تھاں، کومی نے گواہی دتی کہ 14 فروری نوں ٹرمپ نے مائیکل فلن دی تفتیش ’’بند کرن‘‘ لئی آکھیا جیہناں نوں ٹرمپ دے قومی سلامتی دے مشیر دے طور تے کڈھیا گیا سی کہ اوہناں نے واشنگٹن وچ تعینات روس دے سفیر نال ہون والی اپنی گل بات دے بارے وچ اک روز پہلے نائب صدر مائیک پینس نال غلط بیانی نال کم لیتا سی۔ کومی نے دسیا کہ ٹرمپ نے آکھیا سی کہ ’’مینوں امید ہے کہ تُسی کوئی راہ کڈھ لو گے کہ ایہہ معاملہ ختم ہوجائے، فلن چھٹ جائے’’۔ کومی نے ٹرمپ دے الفاظ نقل کیتے کہ ’’اوہ اک چنگے انسان نیں۔ مینوں توقع ہے کہ تُسی ایس معاملے نوں رفع کر دو گے‘‘۔ اک سوال تے، کومی نے تسلیم کیتا کہ ٹرمپ نے حکم نہیں کیتا کہ اوہ روس دے نال فلن دے رابطیاں دی چھان بین دے معاملے نوں ختم کردے۔ پر، دسیا کہ ’’میں اِس نوں ہدایت سمجھیا۔ ایہو گل سی جو اوہ میتھوں چاہندے سن‘‘۔ حالانکہ کومی نے آکھیا کہ ااوہناں نے تفتیش دا معاملہ بند نہیں کیتا۔ کومی نے آکھیا کہ فلن دی تفتیش ’’بند کرن‘‘ دی ٹرمپ دی درخاست سن کے اوہ ’’ششدر رہ گئے‘‘ تے اوس وقت اوہ ٹرمپ نوں ایہہ نہیں کہہ پائے کہ ’’مسٹر پریزیڈنٹ، ایہہ گل غلط ہے‘‘۔ اوہناں نے آکھیا کہ ٹرمپ دی گل سنن بعدوں ایف بی آئی دے دوجے ساتھی وی اوہناں دی طراں ’’صدمے تے پریشانی دی کیفیت وچ سن‘‘۔۔ کومی نے آکھیا کہ 30 مارچ دی ٹیلی فون کال وچ ٹرمپ نے ’’روس دے خلاف تفتیش نوں ’اک بادل‘ دی طراں قرار دتا۔ اوہناں نے آکھیا کہ ایس بادل نوں ہٹان دے سلسلے وچ اسی کیہ کجھ کر سکدے ہاں۔ ایس دا بہت فیدہ ہوئے گا جے اسی کسی نتیجے تے آئے، ایہو بہتر ہوئے گا۔ اوہناں نے اتفاق کیتا، پر فیر ایہہ معاملہ چکیا کہ ایہہ اوہناں لئی پریشانی دا باعث ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels