Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> میڈیا اتے جعلی خبراں:سعودی عرب نوں 110 ارب ڈالرز اسلحہ ویچن اتے امیرقطر دی خبراں

میڈیا اتے جعلی خبراں:سعودی عرب نوں 110 ارب ڈالرز اسلحہ ویچن اتے امیرقطر دی خبراں

وچار ڈیسک
June 10th, 2017

خبراں وی وادھو تے تبصرے وی اتے ٹی وی شو وکھرے، جداں خبراں ایجنڈیاں پاروں چلدیاں نیں تے سند بارے کوئی نہیں پچھدا۔پچھلے دناں ٹرمپ انتظامیہ دے سعودی عرب دے نال 110ارب ڈالرز اسلحہ دی خبردی وڈی تشہیراں کیتیاں گیاں۔ہن ایس نوں دفاعی ماہراں تے سابق انٹلی جنس افسراں جعلی آکھ دتا ہے۔ بروکنگز انٹیلی جنس پروجیکٹ دے بروس ریڈل نے ایس نوں بوگس خبر قرار دیندے ہوئے آکھیا کہ ایہو جیہا کوئی معاہدہ ہویا ہی نہیں۔ بروس ریڈل نے سی آئی اے وچ کم کرن توں اڈچار امریکی صدراں نال جنوبی ایشیا تے مشرق وسطیٰ بارے مشیر رہے۔ اپنے اک آرٹیکل وچ لکھیا کہ ایہہ اجہی پیشکشاں نیں جنہاں بارے اگلے کسی دور وچ سودے ہو سکدے نیں۔ انہاں لکھیا ہے کہ سعودی عرب تیل دی ڈگدی ہوئی قیمتاں پاروں 110ارب ڈالرز دی بھاری ادائیگیاں کرہی نہیں سکدے ۔ صدر باراک اوباما دے دور وچ سعودی عرب نوں اک معاہدے پاروں 8سال دے عرصہ وچ 112ارب ڈالرز دے ہتھیار فروخت کیتے گئے سن۔ تیل دی ڈگدی قیمت دے پاروں سعودی عرب نوں ہن تک اوس سودے دی ادائیگیاں وچ اوکڑاں دا سامنا ہے۔ جنگی جہازاں، ٹینکاں، میزائلاں تے کارگو ہیلی کاپٹرز دی خریداری اوباما دور نال ہی طے ہے۔ ریڈل نے لکھیا کہ اسلحہ ویچن دے پِچھلے معاہدے نوں نویں شکل دتی گئی ہے۔ایہہ سب Expression of interestسن جنہاں نوں معاہدہ آکھیا گیا۔گل ایتھے مکدی نہیں کہ سعودی عرب دے قطر خلاف بیاناں توں پہلاں قطر دی ویب سائٹ نوں ہیک کر کے امیر قطر دے اوہ بیان پھیلائے گئے جیہڑے انہاں دتے ہی نہیں سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels