Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> واشگٹن:ٹرمپ ،اْردگان گل بات،سفارتکاریاں تے ہشیاریاں

واشگٹن:ٹرمپ ،اْردگان گل بات،سفارتکاریاں تے ہشیاریاں

وچار ڈیسک
May 17th, 2017

شام دے مسئلہ تے ترکی بڑی ہشیاریاں نال امریکہ تے روس دے وچکار رہ کے اپنی لین بنا رہیا ہے۔اوہ اک پاسے ایران روس میٹنگاں وچ وی رلتی ہے اتے دوجے پاسے امریکہ نال وی گل بات جاری رکھے ہے۔چین دے ون بیلٹ ون روڈ فورم وچ رلت کر کے ترکی ایہہ دس دتا ہے کہ اوہ اک بصیرتاں والی سفارتکاریاں نوں چلا رہیا ہے۔انہاں سارے کماں دے نال نال اوہ سعودی اتحاد وچ وی ہے پر اوس دے پہلے دسے کمان پاروں اوس دا اتحاد وچ جانا اوڈا متنازعہ نہیں بنیا جڈا پاکستان دا۔ترک صدر طیب اردگان دی امریکی صدر ڈونلڈ ٹرمپ نال واشگٹن وچ ملاقات ہوئی، جس وچ انہاں نے واضح کردتا ہے کہ کردستان تحریک دی امریکی حمایت قبول نہیں کیتی جائے گی۔ ترک صدر دا آکھنا ہے کہ مشرق وسطیٰ وچ امریکہ دے نال تعاون لوڑی دا ہے تے اوہ امریکہ نال نویں بنیاداں تے تعلقات بنانا چاہندے نیں، پر کردستان تحریک دی امریکی حمایت قبول نہیں۔ ترک صدر طیب اردگان دا آکھنا سی کہ کردستان تحریک دی امریکی حمایت معاہدے دی خلاف ورزی ہے۔ ٹرمپ نے ایس موقع تے آکھیا کہ اوہ داعش دے خلاف جنگ وچ ترکی دی حمایت کردے نیں۔ ایس جنگ وچ تعاون دی پیشکش کردے ہوئے ڈونلڈ ٹرمپ نے ترک صدر نوں فوجی ساز و سامان دی جلد فراہمی دی یقین دہانی کرائی۔ صدر ٹرمپ نے آکھیا کہ اوہ شام دے مسئلہ دا پر امن حل کڈھن لئی ترک کوششاں دی حمایت کردے نیں۔لگدا ہے ہی ملک دی نظر اپنے اپنے باغیاں تے وادھو ہے پر جے پرانے باغی مکاندے ہوئے تساں نویں باغی پیدا کر لو تے ایہہ کوئی دانشمندی نہیں ہوئے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels