Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکی کمپنیاں وی ’’ اک بیلٹ ،اک روڈ‘‘ دے چینی منصوبے دی ’’مرید‘‘ بن گیاں

امریکی کمپنیاں وی ’’ اک بیلٹ ،اک روڈ‘‘ دے چینی منصوبے دی ’’مرید‘‘ بن گیاں

وچار ڈیسک
May 15th, 2017

چینی منصوبہ اج ہر اک نوں اپنے وال کھچ رہیاہے پر ایس وچ مینگناں پاون والے وی اج کل بہوں اوتاولے دسدے نیں۔کدی بی بی سی نوں چینی سیکس ورکراں تے حقاں دی فکر ستاندی ہے تے کدی دلی والے ’’اک رستہ، اک سڑک‘‘ نوں نوآبادیاتی گھن چکر توں وی بھیڑا آکھدے نیں۔پاکستان وچ وی اجہے چکری بیانیے پھیلاون والے دانشور وادھو نیں۔اوہ شام نوں ’’ملکہ دے جنم دیہاڑ‘‘ تے حاضریاں دیندے نیں تے سویرے سانوں اْنج ہی چینیاں توں ڈراندے نیں جنج میٹکاف نے مہاراجہ رنجیت سنگھ نوں نپولین توں ڈراون دی ناکام کوشش دو سو سال پہلاں کیتی سی۔ہن 130ملکاں دے بندے ایویں تے نہیں ون بیلٹ، ون روڈ فورم وچ پہنچے۔ہور تے ہور،بیجنگ نوں امریکی کمپنیاں نے آکھیا ہے کہ اوہ چین دے سلک روڈ منصوبے وچ رلتی ہون لئی تیار نیں، ایہہ گل اک مریکی عہدیدار نے آپ دسی۔ واشگٹن چین دے ون بیلٹ ون روڈ منصوبے دے حوالے نال عالمی کانفرنس وچ رلتی ہو رہیا ہے۔ امریکہ ولوں میٹ پوٹنگر دسیا کہ امریکی کمپنیاں دے کول ایس منصوبے وچ کم کرن دے بڑے موقعے نیں۔ امریکی کمپنیاں بہترین معیاری چیزاں اتے پراجیکٹ دی لائف لئی درکار خدماتاں دے سکدیاں نیں۔ پوٹنگر مشرقی ملکاں نال تجارتاں لئی قومی سلامتی کونسل وچ ٹرمپ دے سینئر ڈائریکٹر دے خصوصی نائب وی نیں۔ انہاں نے دسیا کہ امریکی کمپنیاں دا عالمی انفراسٹرکچر دی تعمیراں وچ چوکھا ریکارڈہے تے اوہ بیلٹ اینڈ روڈ پرجیکٹ وچ کم کرن لئی تیار نیں۔ایہہ خبر، اْن لوکاں دے دل تے وڈی سٹ ماری ہے جیہڑے ٹرمپ دی شکل وچ چین امریکہ سرد جنگ وچ مال کماون دی اڈیک وچ سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels