Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> مشیناں نال ووٹنگ:لالو نے ای وی ایم ٹمپرنگ نوں خطرناک سکینڈل آکھ دتا

مشیناں نال ووٹنگ:لالو نے ای وی ایم ٹمپرنگ نوں خطرناک سکینڈل آکھ دتا

وچار ڈیسک
May 13th, 2017

پاکستان وچ ووٹنگ مشینان نوں چوناں وچ شفافیتاں دی ضمانتاں سمجھن والیاں نوں ذراواہگے پار انہاں مشیناں دی ’’برکتاں‘‘بارے وی دھیان دینا چاہیدا ہے کہ بھارتی لیڈر انہاں مشیناں پاروں ہون والی دھاندلیاں نوں ’’ای وی ایم ٹمپرنگ‘‘ آکھ دتا ہے۔بھارتی اخبار دی خبر پڑھو تے سائبر کرائم دا حال ویکھو۔کتھے پاکستان وچ وی کسے نیں روسی ہیکراں دی مدد لے لتی تے گل ہور چوڑی ہو جا سی۔
پٹنہ : پنج ریاستی اسمبلیاں تے دلی میونسپل کارپوریشن دی چوناں دے رزلٹاں بعدوں الیکٹرانک ووٹنگ مشیناں (ای وی ایم) دی معتبری مک گئی۔ اپوزیشن جماعتاں ولوں مسلسل اٹھن والے سوالاں توں بعد ہن راشٹریہ جنتا دل صدر (آر جے ڈی) دے صدر لالوپرساد یادو نے وی ای وی ایم ٹیمپرنگ نوں خطرناک سکینڈل دسدے ہوئے ایس لئی ہر محاذ تے آواز چکن دی گل آکھی ہے۔ آر جے ڈی دے سربراہ نے مائیکرو بلاگنگ سائٹ ٹوئٹر تے ٹوئٹ کرکے ایس معاملے تے اپنی تشویش ظاہر کیتی ہے۔ انہاں نے لکھیا ای وی ایم ٹمپرنگ بہوں خطرناک سکینڈل ہے تے اسی ہر محاذ تے آواز چکن نوں تیار ہاں۔ آر جے ڈی دے سربراہ نے ایس ٹوئٹ دے ذریعے عام آدمی پارٹی دے کنویئنر تے دلی دے وزیراعلیٰ اروند کچر یوال دی ای وی ایم دے معاملے تے اک طراں حمایت کیتی ہے۔ اترپردیش سمیت پنج ریاستاں تے دلی میونسپل کارپوریشن دی چوناں وچ بھارتیہ جنتا پارٹی نوں ملن والی غیر متوقع فتح دے بعد توں بہوجن سماج پارٹی، سماج وادی پارٹی، کانگریس تے عام آدمی پارٹی ای وی ایم دی معتبری دے سلسلے وچ مسلسل سوال کھڑے کررہے نیں۔ کجھ دناں پہلے ہی دلی اسمبلی وچ عام آدمی پارٹی دے لیڈر سوربھ بھاردواج نے ای وی ایم دی طراں نظر آن والی مشین توں ٹمپرنگ دا لائیو ڈیمو وکھایا سی۔ ہورے کیوں، الیکشن کمیشن نے ایس ڈیمو نوں سرے توں خارج کردتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels