Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> افغانستان:طالبان نال نبڑن لئی مزید 3 ہزار امریکی فوجی تے مڑ ائیر اٹیک دی اجازتاں

افغانستان:طالبان نال نبڑن لئی مزید 3 ہزار امریکی فوجی تے مڑ ائیر اٹیک دی اجازتاں

وچار ڈیسک
May 11th, 2017

کابل: واشنگٹن امریکی فوجی افسراں تے محکمہ خارجہ نے طالبان دے خلاف کاروائیاں لئی 3000 اضافی فوجی افغانستان گھلن دی سفارش کردتی۔ امریکی میڈیا دسیا ہے کہ فوجی کمانڈراں نوں طالبان خلاف فضائی کاروائیاں دا اختیار وی دوبارہ حاصل ہوجائے گا۔ ناں ظاہر نہ کرن دی شرط تے امریکی حکام نے دسیا کہ امریکی صدر ٹرمپ نے ہلے تک ایس منصوبے دی منظوری نہیں دتی جداں کہ انہاں تجویزاں وچ ایہہ درخاست وی شامل کیتی جاسکدی ہے کہ نیٹو ممالک وی تِن توں پنج ہزار فوجی افغانستان گھلن۔ ایس وقت نیٹو دے 13 ہزار، امریکہ دے اٹھ ہزار چار سو فوجی افغانستان نیں۔ طالبان خلاف امریکہ دا جنگی مشن 2014 وچ ختم ہوگیا سی اتے افغان فوجیاں دی تربیت تے مدد لئی اوتھے امریکی فوج دے خصوصی دستیاں دے اہلکار موجود نیں۔ رواں سال فروری وچ افغانستان وچ امریکی فوج دے کمانڈر جنرل جان نکلسن نے سینٹ دی کمیٹی نوں افغانستان وچ فوج دی صورتحال دسدے ہوئے آکھیاسی کہ انہاں نوں چند ہزار فوجیاں دی کمی دا سامنا ہے تے کامیابیاں لئی مزید فوجیاں دی لوڑ ہے۔ ایدھر افغان صوبے پروان وچ مدرسے وچ بم دھماکے توں علما کونسل دے سربراہ تے 8 طلبا مارے تے بہوں زخمی ہوگئے۔ افغان حکام دے مطابق بم دھماکہ کلاس روم وچ ہویا جس وچ علما کونسل دے سربراہ مولوی عبدالرحیم شاہ حنفی تے مدرسے دے اٹھ طلبا جاں بحق ہوگئے۔ قریبی گھراں دے شیشے ٹٹ گئے۔ فوری طور تے کسی گروہ دھماکے دی ذمہ واری قبولی نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels