Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹرمپ نے ایف بی آئی دے ڈائریکٹر نوں کڈ ماریا۔ایجنسیاں اتے چونویں قیادتاں

ٹرمپ نے ایف بی آئی دے ڈائریکٹر نوں کڈ ماریا۔ایجنسیاں اتے چونویں قیادتاں

وچار ڈیسک
May 10th, 2017

روسی خارجہ وزیر دی امریکہ آمد توں پہلاں اوس بندے نوں کڈہیا گیا جیہڑاروسی ہیکراں دی امریکی چوناں وچ مداخلتاں بارے کھوج لا رہیا سی۔کیہہ ایہہ کوئی اشارہ ہے یا اتفاق؟ویسے تریخ اجہے اتفاقاں نال بھری ہوئی ہے۔وائٹ ہاؤس آکھیا ہے کہ امریکی صدر ڈونلڈ ٹرمپ نے وفاقی تفتیشی ادارے ایف بی آئی دے ڈائریکٹر جیمز کومی نوں برطرف کردتا ہے۔
امریکی ایوان صدر دے اک بیان وچ آکھیا گیا: اج صدر ڈونلڈ جے ٹرمپ نے ایف بی آئی دے ڈائریکٹر جیمز کومی نوں مطلع کیتا کہ انہاں نوں انہاں دے عہدے توں کڈدتا گیا ہے۔ ایساچانک چکے قدم دا مقامی جواز ایہہ ہے کہ کومی ہوراں پچھلے ہفتے کانگریس نوں ہیلری کلنٹن دی ای میلز بارے میں غلط معلومات دتی سی۔ وائٹ ہاؤس نے دسیا کہ کومی نوں امریکی اٹارنی جنرل جیف سیشنز دی سفارش تے برخاست کیتا گیا ہے۔کڈہن دی ٹائمنگ بارے سوال وادھو۔ وائٹ ہاؤس نے آکھیا کہ انہاں دے جانشین دی تلاش فوری طور تے شروع کردتی جائے گی۔ صدر ٹرمپ نے اک خط لکھ کے کومی دی کارکردگی بارے سوال چکے سن۔ ہیلری کلنٹن نے ڈونلڈ ٹرمپ دے ہتھوں اپنی انتخابی شکست دا ذمہ وار جیمز کومی نوں قرار دتا سی۔ ایف بی آئی دے ڈائریکٹر نے انتخابی مہم دے دوران دوبار مداخلت کیتی سی۔ اک بار جولائی وچ تے دوسری بار ووٹنگ توں صرف چند ہفتے پہلے اکتوبر 2016 وچ۔ ایس دوران انہاں نے ہیلری کلنٹن دے نجی ای میل سرور دی چھان بین کرن دا اعلان کیتا سی۔ کومی نے پہلے ہفتے امریکی قنون سازاں نوں دسیا سی کہ کلنٹن دی مشیر ہما عابدین نیں سینکڑاں تے ہزاراں خفیہ ای میلاں اپنے ایس وقت دے خاوند نوں فارورڈ کیتیاں سن۔ تفتیشی افسران نے منگل نوں دسیا کہ اوہ صرف چند ای میلز سن تے انہاں وچ بیشتر خفیہ نہیں سن۔ 56 سالہ کومی دی تعیناتی چار برس پہلے ہوئی سی تے بطور ڈائریکٹر انہاں دے عہدے دی میعاد چھ مزید برس تک سی۔ ڈیموکریٹ پارٹی دے ممبراں دا آکھنا سی کہ جیمز کومی نوں ایس لئی کڈھیا گیا ہے کہ ایف بی آئی ٹرمپ دی انتخابی مہم دے روس نال سانگیاں بارے تفتیش کررہی سی۔ سینیٹ وچ ڈیموکریٹ پارٹی دے رہنما چک شومر نے اک اخباری کانفرنس نال گل کردے ہوئے آکھیا ہے کہ کیہ ایہہ تفتیش صدر دے کجھ زیادہ ہی قریب پہنچ رہی سی؟ ایہہ سب محض اتفاق نہیں ہوسکدا۔ ایس واقعے دا موازنہ سابق صدر رچرڈ نکسن توں کیتا جارہیا ہے جداں انہاں نے اپنے اٹارنی جنرل نوں برخاست کردتا سی تے جس دے بعد انہاں دی صدارت مزید طوفاناں وچ پھس گئی سی۔ صدر ٹرمپ روسی الزامات نوں جعلی خبراں آکھ کے مسترد کردے آئے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels