Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت: ججاں دا دنگل، اک دوجے نوں سزاواں۔قنون دی بے توقیریاں

بھارت: ججاں دا دنگل، اک دوجے نوں سزاواں۔قنون دی بے توقیریاں

وچار ڈیسک
May 9th, 2017

انڈین سپریم کورٹ نے کلکتہ ہائی کورٹ دے جج چنا سوامی ناتھ کرنن نون چھ مہینیاں لئی جیل گھلن دی سزا سنائی ہے۔ایس توں پہلاں جج کرنن ہوری سپریم کورٹ دے ججاں خلاف کاروائیاں کر چکے نیں۔ لگدا ہے سب جج رقماں پھڑدے نیں تے دوجیاں نوں نیک بنن دا حکم جاری کردے نیں۔اپریل وچ سپریم کورٹ دے چیف جسٹس جے ایس کھیہر نے جج کرنن ہوراں نوں عدالت بلایا سی تے کرنن ہوراں اک مہینے دی مہلت منگی سی۔ سپریم کورٹ ایہہ آکھیا سی کہ جج کرنن دا دماغی معائنہ کروایا جائے اتے جے اوہ نہ منن تاں پلس دا چیف انہاں دا معائنہ کروائے۔ مہینے دی مہلتاں ملن بعدوں کرنن ہوراں سپریم کورٹ دے ست ججاں سنے چیف جسٹس28اپریل نوں سدھ لیا سی۔جداں اوہ نہیں آئے تے مئی دی دو تریخ نوں چیف جسٹس سنے ست ججاں دے دماغی معائنے دا حکم جاری کر دتا۔بس ایس دے جواب وچ ہن چیف جسٹس باقی ججاں نال رل کے جوابی ’’حملہ‘‘ کیتا اتے جج کرنن ہوراں نوں چھ مہینیاں دی سزا سنا چھڈی۔سزا تے عمل درآمد کلکتہ پلس عمل کروانا ہے پر کرنن ہوری مغربی بنگال توں باہر ٹر گئے نیں۔گل اودھوں شروع ہوئی سی جداں جج کرنن ہوراں کرپشن خلاف اک سو موٹو ایکشن لتا سی اتے بھارتی آئین دے آرٹیکل226 تے عمل کردے ہوئے کریمنل پروسیجر کوڈ دے سیکشن482پاروں کاروئی شروع کیتی سی۔انہاں کلکتہ پلس دے چیف نوں وی تڑی لائی سی کہ اوہ اوس نوں نوکری توں کڈھ سکدے نیں۔سپریم کورٹ اپنی صفاں سدھیاں کرن دی تھاں میڈیا نوں جج کرنن توں پراں رہن دا حکم وی دتا ہے۔ایہہ اداریاں دی لڑائی ہے یا فیر رقماں پھڑن دے مامل نیں کہ ایہہ سب رل مل کے بھارت دا مذاق اڈا رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels