Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> روس وچ وکڑی پریڈ: ماسکو دی عسکری قوت (ویڈیو)

روس وچ وکڑی پریڈ: ماسکو دی عسکری قوت (ویڈیو)

وچار ڈیسک
May 9th, 2017

اج روس وچ وڈی پریڈ ہوئی اتے ہٹلر نوں شکستاں دین دی 72 ویں سالگرہ منائی گئی۔ ایس موقع تے آتش بازیاں تے دوجے میلیاں ٹھیلیاں دا بندوبست وادھو سی۔اجہی پریڈاں اپنا رعب پاون دی اک کوشش ہوندی ہے اتے اسلحہ ویچن دی وی۔دس ہزار روسیاں اج دی پریڈ وچ رلت کیتی۔ایس وچ روسیاں ون سونیاں فوجی گڈیاں،میزائل سسٹم،ٹینک، اینٹی ائیر مزائل سسٹم تے جدید ائیر ڈیفنس سسٹم وکھائے گئے۔موسم بڑا اوکھا سی تاں مارے فوجی جہازاں دا ’’مجرا‘‘ وکھایا نہ جا سکھیا۔ دوجی وڈی لام وچ 1945 دے سال 9 مئی دا دیہاڑ روسی تواریخ وچ ہمش یاد کیتا جاندا ہے۔ ویسے تے روسی 14 دسمبر 1812 دے دیہاڑ نوں وی اینج ہی یاد کردے نیں جداں انہاں نپولین دی فوجاں نوں ماسکو توں دوڑایا سی۔ پر نپولین دی شکست وچ روسیاں اکلے ہی مقابلہ کیتا سی جداں کہ ہٹلر خلاف لڑائی توں پہلاں 14 اگست 1941 دے اٹلانٹک معاہدے پاروں روس امریکہ برطانیہ فرانس اتحادی بن چکے سن اتے روس نوں امریکہ بہوں اسلحہ وغیرہ دتا سی۔ اک زمانہ تیک ایس فتح نوں کمیونسٹاں دی فتح دے دیہاڑ پاروں منایا جاندا سی اتے ایسٹ یورپ وچ وی چھٹی ہوندی سی۔ پر اج ایہو دن روسی قوم دے وڈے دن پاروں منایا جارہیاہے۔قوم پرستیاں کنج روپ بدل بدل کے نظریے تے دھرماں نوں ورتدی ہے ایس دی اپنی لمیرے تریخ۔ عالمی پدر تے روس اک وڈے تے اہم کھڈاری دے طور تے نظر آرہیا ہے گو کہ معاشی پدر تے اوہ بہوں پچھے نیں۔ ایہہ جنگی جنون دے بھار تے کھڑی کیتی گئی قوم پرستی کڈی کارگر ہوندی ہے ایس بارے 20 ویں صدی دے بھیڑے تجربے ساڈے سامنے نیں۔ پر روسی مڑ دنیا دی دوجی وڈی طاقت بنن پاروں ایس نوں ورت رہے نیں۔ اک پاسے اوہ شام تے افغانستان دے مسلیاں نوں اپنی ڈپلومیساں راہیں حل کرنا چاہندے نیں کہ جس لئی اوہ پاکستان تے ترکی نال وی سانگے بنائے نیں۔
Link of the news and videos
https://www.rt.com/news/387635-russia-celebrates-victory-day/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels