Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> عدالت، حکومت پھڈے:نیپالی سپریم کورٹ چیف جسٹس خلاف مواخذہ ڈک دتا۔لڑائی کجھ، پریشر کجھ ہور

عدالت، حکومت پھڈے:نیپالی سپریم کورٹ چیف جسٹس خلاف مواخذہ ڈک دتا۔لڑائی کجھ، پریشر کجھ ہور

وچار ڈیسک
May 9th, 2017

جداں حکومتی ادارے آپس وچ ٹکراندے نیں تاں ریاست کمزور ہوندی ہے اتے دوجے ملکاں وچ بدنامیاں وادھو۔نیپالی جمہوریت کمزور تے ادارے تگڑے نیں اتے چونویں سرکار نوں کینڈے وچ رکھن لئی کدی آئین دی روح تے کدی کرپشن نوں ورتیا جاندا ہے۔جیہڑی پارلیمنٹ آئین بنا سکدی ہے، آئین بدل سکدی ہے اوہ چیف جسٹس نہیں بدل سکدی۔ایہہ سب ریاست دے ٹٹن دا لشکارا ہے۔کیہہ اداریاں وچ ودھدے ہوئے ٹکرا دی وڈی وجہ چونویں سرکاردا چین ول اْلار ہے؟ نیپال دی سپریم کورٹ نے پہلی خاتون چیف جسٹس سوشیلا کرکی خلاف مواخذے دی تحریک ڈک دتی ہے۔ 30 اپریل نوں حکومت نے پارلیمنٹ وچ چیف جسٹس نوں کڈہن دی تحریک پیش کیتی سی ۔ حکومتی اتحاد وچ شامل 2 سیاسی جماعتاں، نیپالی کانگرس تے ماؤ نواز پارٹی نے الزام لایا سی کہ سوشیلا کرکی حکومتی کماں وچ سیاسی مداخلت کررہی ہے۔ حکومت نے ایہہ تحریک ایسے وقت دائر کیتی سی جداں سوشیلا کرکی نے پلس چیف لئی حکومتی چوائس نوں مسترد کردتا سی۔ سپریم کورٹ نے اپنے عبوری حکم وچ لکھیا کے حکومت ولوں مواخذے دی تحریک آئین دی روح دے خلاف ہے۔ دسیا گیا ہے کہ سوشیلا کرکی نے کرپشن دے خلاف سخت موقف اپنا رکھیا سی۔ اقوام متحدہ دے انسانی حقوق دے سربراہ نے وی نیپالی حکومت تے سخت تنقید کردے ہوئے آکھیا کہ اوہ آزاد عدلیہ دا احترام کرے۔انسانی حقوق دے عالمی ادارے نوں تے جمہوریت دے نال کھلونا چاہیدا ہے پر اوہ ریاستی اداریاں دی لڑائی نوں ودھا کیوں رہے نیں۔12مئی نوں نیپالی سرکار دا وڈا وفد چینی منصوبے ون بیلٹ ون روڈ(OBOR) دے حوالے نال ایم او یو تے دستخط کرن جارہیا ہے۔ایہہ خبر نیپالی اخبار ہمالین نیوز چھاپی ہے۔ماؤنواز وزیراعظم تے ایس حوالے نال بہوں پریشر ہے۔سامنے دی لڑائی دا بوتھا کجھ ہور ہے پر نیپالی حکومت تے پریشر کجھ ہور ہے۔اج کل نیپال دی چیف جسٹس وی اک زنانی ہے اتے صدر وی اک زنانی ہے کہ مڑ چارج لین والی کرکی ہوراں نیپالی صدر بدیا دیوی بھنڈاری نال ملاقات وی کیتی۔14مئی نوں نیپال وچ ہون والی بلدیاتی چوناں وچ پہلی وار 40فیصدی زنانیاں اْمیدوار نیں پر ایس خبر نوں اینج میڈیا وچ چکیا گیا ہے جس توں ایہہ تاثر ملدا ہے کہ جمہوری چونویں سرکار زنانیاں خلاف ہے۔نرا بھارتی سرکار نوں نیپال چین سانگے تے وٹ نہیں چڑھداسگوں تگڑا ہوندا نیپال بہوں سارے عالمی کھیڈاریاں نوں وارا نہیں کھاندا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels