Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چینی پیڈیا متعارف کران دا اعلان۔نواں ثقافتی انقلاب

چینی پیڈیا متعارف کران دا اعلان۔نواں ثقافتی انقلاب

وچار ڈیسک
May 6th, 2017

مفت انسائیکلو پیڈیا تے سوشل میڈیا دازمانہ ہے اتے چین والے ایس وچ اپنے طریقیاں نال رلت کر دے نیں۔اساں تے پکی پکائی تے یقین رکھدے ہاں کہ ساڈے تے قنون وی اپنے نہیں کہ انڈیا پاکستان،بنگلہ دیش ہن تیک انگریزاں  دے بنائے قنوناں تے چل رہے نیں۔امریکیاں اپنے قنون آپ بنائے سن۔آزادی دا نعرہ لانا ہور گل ہے تے آزادی ہونا ہور گل ہے۔ہن جداں دا انٹرنیٹ تے سوشل میڈیا دی چڑھتل ہوئی ہے تاں سب نوں اپنے اپنے کلچر دے مکن دا در پیدا ہویا ہے۔جے ڈر ہے تے تساں اپنے ااپ نوں تگڑا کرو۔چین والیاں تے اپنے فیس بک، یو ٹویب، ٹوئٹر ٹائپ سوشل میڈیا دے گھمے بنائے نیں اتے چینیان دا وڈا کاروبار اوسے نال جڑیا ہے۔یورپ ، امریکہ وچ تے زباناں وادھو نیں پر انہاں اجہے سوفٹ وئیر بنائے کہ اک کلک وچ تسن فرانسیسی، جرمن،انگریزی مضموناں تے خبراں نوں انہاں زباناں وچ پڑھ سکدے ہو۔انڈین تے عرباؓ کول بڑے پیسے نیں پر اینج دا کوئی کم نہیں کرنا کہ جنوبی ایشیائی،عربی تے فارسی لکھتان اک دوجے وچ بدل جان۔آبادی پاروں دنیا دے سب توں وڈے ملک چین وچ جتھے سوشل ویب سائٹس سمیت ڈیٹنگ ویب سائٹس وی اوتھوں دیاں مقامی نیں، ہن اوتھے وکی پیڈیا دا وی لوکل ورژن سامے آسی، ہورے اگلے سال توں۔
بی بی سی تے چھپی اک سٹوری وچ دسیا گیا ہے کہ چین دی حکومت چینیپیڈیا تے کم کررہی ہے جس نوں 2018 وچ آن لائن کردتا جائے گا۔ ایس ویب سائٹ تے مواد لکھن لئی 20 ہزار افراد دی خدماتاں حاصل کیتی جا رہیاں نیں۔چینی پیڈیا نوں انسائیکلوپیڈیا برٹینیکا دی طراں اک آن لائن ڈکشنری دے طور تے چلایا جائے گا۔ ایس لئی ایڈیٹران چیف دی خدمات وی حاصل کرلتیا گیا نیں۔ چینی پیڈیا دے ایڈیٹران چیف یانگ موشی نے ساؤتھ چائنا مورننگ پوسٹ نامی خبررساں ادارے نوں دسیا کہ چین دی کمیونسٹ حکومت اپنی آن لائن ڈائریکٹری متعارف کران لئی 20 ہزار طلباسکالراں، استاداں تے لکھاریاں دی خدماتاں حاصل کرے رہی ہے۔ ایڈیٹران چیف دے مطابق چینی انسائیکلوپیڈیا نوں 2018 تک آن لائن کردتا جائے گا، ایس وقت تک ایس وچ 100 شعبیاں دے گھٹ و گھٹ 3 لکھ آرٹیکل شامل کیتے جان گے جد کہ ہر آرٹیکل گھٹ و گھٹ اک ہزار لفظاں وچ ہوسی۔ چینی سرکار ااکھدی ہے کہ ایس ویب سائٹ دا مڈھلا ٹیچا دنیا تک چین دے حوالے نال سائنس ٹیکنالوجی، تعلیم، سیاحت، سیاست تے دوجے معاملات توں متعلق پکی انفارمیشن نوں پہنچانا ہے۔ ایس ویب سائٹ دے ایڈیٹران چیف نے ایس منصوبے نوں ثقافتی انقلاب دا ناں دیندے ہوئے آکھیا کہ ا یس ویب سائٹ وچ انسائیکلو پیڈیا برٹینیکا دے مقابلے دگنا مواد دستیاب ہوئے گا، جیہڑا مستند تے حقائق تے مبنی ہوئے گا۔ چیتے رہے کہ چین وچ وکی پیڈیا سمیت فیس بک، ٹوئٹر جیہاں ویب سائٹاں تے پابندی لگی ہے کیونجے چین وچ لوکل پدر تے سوشل و ڈیٹنگ ویب سائٹاں تیار کیتیاں گئیاں نیں۔ چین جتھے آبادی دے لحاظ نال دنیا دا سب توں وڈا ملک ہے۔ ایس توں اڈ چینی زبان وچ بنائے چینی پیڈیا دے وی ہن تک 74 والیوم آچکے نیں ایس ڈکشنری تے 1970 وچ کم دا آغاز کیتا گیا سی۔ ایس وچ وی ہزاراں چینی سائنسدان، ماہرین اساتذہ طلبہ و اسکالرز دی خدمات حاصل کیتیاں گئیاں سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels