Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> یورپی ساڈے چوناں وچ مداخلتاں نہ کرن۔ تھریسا مئے، وزیر اعظم برطانیہ

یورپی ساڈے چوناں وچ مداخلتاں نہ کرن۔ تھریسا مئے، وزیر اعظم برطانیہ

وچار ڈیسک
May 5th, 2017

اوہ جیہڑے دنیا بھر وچ مداخلتاں پاروں مشہور نیں اج انہاں نوں اپنے خطرے پئے ہوئے نیں۔ روسیاں دے امریکی چوناں وچ الزاماں بعدوں ہن برطانیہ نے وی یورپی یونین والیاں تے اجیہا الزام لادتا ہے۔فرانس اک وار فیر یورپ نوں مت دین نوں تیار ہے تے ایس دا اثر بریگسٹ دے گھمے تے پئے گا۔ تھریسا مئے دا آکھنا ہے کہ بریگسٹ بارے ہون والی گل بات وچ برسلز والے جان بجھ کے اڑچلاں پارہے نیں اتے انہاں دا ٹیچا ہے کہ اوہ ساڈی چوناں تے اثر پاون۔ جس آپ چوریاں کیتیاں ہون اوہ ہر دوجے نوں چور سمجھدا ہے کہ ایہہ اصول ایشیا، امریکہ توں یورپ تیک سب تے لگدا ہے۔بریگسٹ گل بات کرن والے یورپی کمیشن دے رویے وچ بہوں سختیاں نیں۔ ایہہ گل تھریسا ہوراں ملکہ نوں ملن بعدوں 10 ڈاؤنگ سٹریٹ اگے میڈیا نال کیتی گل بات وچ کیتیاں۔ تھریسا و چاری کیہ کرے کہ اک شوہدے جرمن اخبار نے کل تھریسا تے یورپی کمیشن وچ ہون والی گل بات دی رپورٹ چھاپے چاڑھ دتی سی۔ یورپی کمیشن صدر ژاں کلاوڈ جینکر ہوراں تھریسا نال ملن توں بعد آکھیا سی کہ تھریسا کسے ہور سیارے دی مخلوق لگدی ہے۔ تھریسا ایہہ گل من لتی کہ اوس نوں یورپی کمیشن نال جاری گل بات وچ بہوں اوکڑاں آرہیاں نیں۔ انہاں آکھیا کہ جے برسلز دے بیوروکریٹاں سانوں تھلے لالتا تاں اساں برطانیہ نوں اک سوہنا مستقبل نہیں دے سکاں گے۔مڈ ٹرم چوناں دا اعلان ایس گل دا ثبوت ہے کہ حکمران بریگسٹ بعدوں بند گلی وچ آ وڑے نیں تے ایس پاروں ہن فریسٹریشن وادھو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels