Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹرمپ چرچاں نوں سیاست دی اجازت دے گا؟ افسر وائٹ ہاؤس۔امریکہ پاکستان بن جا سی؟

ٹرمپ چرچاں نوں سیاست دی اجازت دے گا؟ افسر وائٹ ہاؤس۔امریکہ پاکستان بن جا سی؟

وچار ڈیسک
May 4th, 2017

چلے سن مذہبی انتہا پسندیاں نوں مکاون تے ہن آپ اوہ بوہے کھولن وچ اگے اگے جنہاں بارے دوجیاں نوں گلاں کردے سن ۔ 9/11بعدوں مذہبی انتہا پسندیاں نوں رگیدن دے دعویدار امریکہ وچ ہن چرچاں تے ٹیکس توں استشنیٰ رکھن والے دوجے اداریاں نوں سیاستاں کرن دی اجازتاں ملن گیاں۔ اسلامی انتہا پسندی نوں دن رات رگیدن والے ہن امریکہ وچ دعاواں دا قومی دن وی منایا کرن گے۔میڈیا گروپ فرانس 24 والیاں مزے لے لے کے خبر بنائی ہے۔وائٹ ہاؤس دے سینئر افسر آکھیا ہے کہ ایس دا مطلب ایہو ہے کہ اساں مذہبی آزادیاں تے یقین رکھدے ہاں۔ انہاں ایہہ وی دسیا کہ اساں جانسن ترمیم دے خلاف ہاں جس پاروں مذہبی لیڈراں اوتے سیاستاں کرن دی مناہی سی۔ ٹرمپ اپنی انتخابی مہم وچ 1954 دے ایس قنون خلاف تقریراں کیتیاں سن۔کیونجے ایس ترمیم دا بانی اک امریکی، ٹیکساس ریاست دا سنیٹرلینڈن بی جانسن سی تاں مارے ایس ترمیم دا ناں اوس توں مشہور ہویا۔ایس ترمیم پاروں چیریٹیبل ادارے سنے یونیورسٹیاں اتے جرچ وغیرہ سیاسی مہماں وچ رلتی نہیں ہو سکدے نیں۔ ایس قنون نوں بدلن لئی کانگرس توں منظوریاں لینا لازم ہے، پر ٹرمپ اپنا آپ وکھا دتا ہے۔ جیہڑے لوک ٹرمپ دے شام بارے دتے بیاناں تے معاشی مسلیاں تے کیتیا جذباتی تقریراں نال متاثر سن اج اوہ اٹھ و اٹھ مار رہے نیں۔جے ٹمپ ہوراں ایہہ کم پادتا اتے ریپبلکن پارٹی قنون نوں بدلن تے تیار ہو گئی تاں امریکہ وچ وی پاکستان، بھارت وانگ دھرمی جتھے بندیاں وادھو نظر آون گیاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels