Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت: انتہا پسنداں اگے ریاست فارغ۔پاکستانیاں دی واپسی، بھارت مخالف خش

بھارت: انتہا پسنداں اگے ریاست فارغ۔پاکستانیاں دی واپسی، بھارت مخالف خش

وچار ڈیسک
May 4th, 2017

پاک انڈیا امن دے ویریاں اک وار فیر ’’حملہ‘‘ کیتا ہے اتے بھارتی ریاست انہاں اگے لمی پئے گئی۔پاکستان ایہہ مسلہ سفارتی پدر تے چکے گا۔جنوبی ایشیا وچ انتہا پسنداں نوں سب توں زیادہ فنڈنگ ملکوں باہر گئے لوک کردے نیں جداں کہ جنوبی ایشیائی ریاستاں دے علاقائی پھڈیاں پاروں انتہا پسنداں نوں ریاستاں دے اندر حمائیتاں حاصل نیں۔انتہا پسند اپنے بیانیے وچ اوسے طراں ’’قومی مفاد‘‘ نوں ورتدے نیں اتے کسے قنون دی پروا نہیں کردے جنج جنوبی ایشیائی ریاستاں کر دیاں نیں۔کل توں اک خبر میڈیا تے چل رہی ہے۔دسیا گیا ہے کہ پاکستانی طلب علماں دے وفد تے انہاں دے استاداں نوں بھارت دا دورہ ڈک کے واپس پاکستان گھل دتا گیا۔؂ایس خبر نال اوہ لوک تے بہوں خش، جیہڑے پاک انڈیا امن دے ڈھڈوں خلاف نیں۔ ہندوستان ٹائمز دی رپورٹ پاروں پاکستانی طلبا نوں بھارت ولوں ایس دے دو فوجی اہلکاراں دی لاشاں دی بے حرمتی دے الزاماں دے بعد واپس گھلیا گیا جس نوں پاکستان نے یکسر مسترد کرتا سی۔کل اقوام متحدہ ولوں ایہہ گل رپورٹ کیتی گئی سی کہ سانوں بھارت ولوں ایسے کسی وقوعے بارے نہیں رپورٹ کیتا گیا۔ہورے ایہہ سب نرا لوکل سیاست لئی رچایا گیا کم سی۔ہندوستان ٹائمز دی رپورٹ وچ آکھیا گیا کہ پاکستانی پڑھیاراں تے استاداں دے 50 رکنی جتھینوں بھارتی حکومت ولوں مجمانی لئی نامناسب وقت قرار دین بعد واپس گھلیا گیا۔ پاکستانی طلبا نوں نئی دلی دی این جی او ’راؤٹس ٹو روٹس‘ ولوں ’ایکسچینج فار چینج‘ پروگرام دے تحت بھارت بلایا گیا سی۔ بھارتی خارجہ وزارت دے بلارے گوپال باگلے آکھیا کہ وزارت ولوں پاکستانیاں نوں سدن والی این جی او نوں آکھیا گیا کہ یکم مئی نوں بھارت آن والے پاکستانی طلبا دی مجمانی لئی ایہہ مناسب وقت نہیں۔ انہاں آکھیا کہ پاکستانی طلبا اسی روز بھارت آئے سن جس روز دو بھارتی فوجی اہلکاراں نوں ہلاک تے انہاں دی لاشاں دی بے حرمتی دی خبر چلی سی۔ٹائمنگ چغلی کھا رہی ہے کہ سیکورٹی دے ناں تے کیہہ کجھ کیتا جاندا ہے۔ رپورٹ وچ آکھیا گیا کہ پاکستانی طلبا نوں بدھ دے روز آگرے جانا سی تے جمعرات نوں نئی دلی وچ واقع پاکستانی سفارتخانے وچ بھارتی طلبا نال ملاقات تے انہاں نال اپنے تجربیاں بارے وچار لئی میٹنگ وچ رلنا سی۔ راؤٹس ٹو روٹس نے پاکستانی طلبا دے وفد نوں واپس گھلے جان تے افسوس کردے ہوئے آکھیا کہ پاکستانی طلبا دے دورے نوں ڈک کی انہاں نوں لہورگھل دتا گیا۔ این جی او دے بانی راکیشن گُپتا تے ٹینا وچھانی دا آکھنا سی کہ 11 توں 15 سال عمر دے تقریباً 50 پاکستانی طلبا اپنے استاداں دے نال یکم مئی نوں نئی دلی اپڑے سن جتھے انہاں نے اپنے بھارتی قلمی دوستاں تے دوجے پروگراماں دے وڈکیاں نال ملاقاتاں کرنیاں سن۔پر ایہہ سب نہ ہو سکیا۔ رپورٹ دے مطابق پچھلے سال اکتوبر وچ این جی او دے اسی طراں دے پروگرام نوں بھارت ولوں پاکستان دے سرحدی علاقے وچ سرجیکل اسٹرائیک دے اعلان دے بعدوں منسوخ کردتا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels