Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اسلام آباد:ایرانی خارجہ وزیر پاکستان اپڑ گئے۔سعودیاں سنے سب نال گل بات کراں گے۔ظریف

اسلام آباد:ایرانی خارجہ وزیر پاکستان اپڑ گئے۔سعودیاں سنے سب نال گل بات کراں گے۔ظریف

وچار ڈیسک
May 3rd, 2017

ایران دے خارجہ وزیر جواد ظریف اج اک روزہ دورے تے پاکستان اپڑ گئے نیں۔ پاکستان دے اک وڈے پارلیمانی وفد دے ایرانی دورے بعدوں ایس آمد نوں اک چنگا قدم سمجھیا جا رہیا ہے۔پاکستان دے سابق آرمی چیف راحیل شریف دی نویں نوکری اتے سعودی اتحاد وچ رلت بعدوں جو محول بنایا جا رہیا سی اوس دا تاثر مکانا پاکستان دے مفاداں وچ سی اتے کابل تے ایران دے دوریاں نال ایہہ گل اگے ودھی ہے۔تاں مارے اج سعودی عرب توں اک بیان جاری کیتا گیا ہے جیہڑا انہاں دی پریشانیاں دا بوتھا ہے۔پر ظریف ہوراں نوں جداں ایس بارے پچھیا گیا تے اک چینل نال گل کردے ہوئے انہاںآکھیا جے سعودی عرب ساڈے بارے بغض رکھدا ہے ، پر اساں فیر وی انہاں نال گل بات دے بوہے بند نہیں کرنا چاہندے۔ سفارتی ذرائع دا آکھنا ہے پاکستانی قیادت دے نال ملاقاتاں وچ پاک ایران رشتیاں، خطے دی صورتحال تے پاک ایران سرحد تے حالیہ دہشت گردی دے واقعہ تے گل بات چھوئی جائے گی۔ ایرانی وزیر خارجہ اک اعلیٰ سطح وفد دے نال اج اسلام آباد اپڑے نیں جس نوں پاکستانی پارلیمانی وفد دی وڈی کامیابی آکھیا جا رہیا ہے۔ ایس پارلیمانی وفد وچ پاکستان دیاں سب وڈیاں پارٹیاں رلتی سن اتے نواز سرکار نوں وی ایس دا کریڈٹ پارلیمنٹ نوں دینا لوڑی دا ہے۔ جواد ظریف دی وزیراعظم نواز شریف سمیت خارجہ مشیر سرتاج عزیز، قومی سلامتی مشیرجنرل ناصر جنجوعہ نال ملاقاتاں ہون گیاں۔ ایرانی وزیر خارجہ دی صدر ممنون حسین نال وی ملاقات ہوسکدی ہے۔ اسلام آباد ملاقاتاں وچ پاک، ایران سرحدی علاقے وچ ایرانی اہلکاراں تے دہشتگردی دے حملے بعد پیدا ہون والی صورتحال دا جایزہ لتا جاسی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels