Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اردگان دی پیشکش پاروں بھارت ایکسپوز، دوڑ گیا۔۔دال وچ کالا

اردگان دی پیشکش پاروں بھارت ایکسپوز، دوڑ گیا۔۔دال وچ کالا

وچار ڈیسک
May 2nd, 2017

اج ساری دنیا بھارت نوں سمجھا رہی ہے تے کل نوں جے سمجھاون دا ویلہ ٹپ گیا تاں سو چھتر تے سو گنڈیاں والی گل ہو سی۔پاکستان نے ترک صدر رجب طیب اردگان ولوں جموں و کشمیر دا جھگڑاحل کرن لئی پاکستان بھارت گل بات لئی مدد کرن دی پیشکش تے ست بسم اللہ آکھیاپربھارتی میڈیاتے سرکار نوں اگ لگ گئی۔ دفتر خارجہ دے بلارے نفیس ذکریا ولوں آکھیا گیا ہے کہ پاکستان کشمیر جھگڑے دے حل لئی لئی ترک صدر دی دعوتاں قبولیاں نیں۔ نئی دلی اپڑن توں پہلاں صدر اردگان آکھیا سی ’’بھارت تے پاکستان دونوں ترکی دے دوست نیں تے اوہ فریقاں دے درمیان کشمیر دے مسئلہ دے حل لئی مدد کرنا چاہندے نیں۔‘‘ ترک صدر نے جموں و کشمیر دے جھگڑے نوں حل کرن لئی کثیر جہتی سوچ دی لوڑ تے زور دیندے ہوئے بھارتی کشمیر وچ فوری طور تے خون ریزیاں روکن تے زور دتا ہے ۔ مقبوضہ جموں و کشمیر دی صورتحال خاص طور تے انسانی حقاں دی خلاف ورزیاں توں علاقائی اتے عالمی سلامتی تے اثر پئے رہے نیں جس پاروں دنیا بھر وچ ایس نوں حل کرن دے حوالیاں نال تشویشاں وادھو۔ حال ہی وچ اقوام متحدہ، او آئی سی تے عالمی برادری بشمول امریکہ نے جموں و کشمیردے جلد حل تے زور دتا ہے۔ پاکستان ہمیش کشمیر وچ انسانی حقاں دے مسئلہ دے حل تے جھگڑا مکاون دے حوالے نال دتے بیاناں نوں ویلکم کیتا ہے۔ بھارتی ویب سائٹ تے ٹیلیویژناں دا ردعمل ہور بھیڑا سی۔ بھارتی میڈیا نے مہمان ترک صدر نال گفتگو وچ کشمیر تے کردبا باغیاں دے معاملے نوں ملان دی ناکام کوشش کیتی۔ بھارتی صحافی نے طیب اردگان نال سوال کیتاجے کشمیر دا مسئلہ ہے تے کرد باغیاں دا مطالبہ وی آئینی ہے۔ جس تے ترک صدر نے ترکی بہ ترکی جواب دتا پئی تسی سیباں دا موازنہ مالٹیا نال کرکے وڈی غلطی کررہے ہو۔ طیب اردگان نے بھارتی صحافی نوں دسیا کہ ترکی نوں کرد عوام توں نہیں اک دہشت گرد تنظیم توں مسئلہ ہے۔ جموں کشمیر دے مسئلے تے کردباغیاں دے مسئلے وچ کوئی گل رلدیملدی نہیں۔ انہاں دا آکھنا سی کہ دونوں ملک گل بات ٹورن تے ضرورت پین تے ترکی وی گل بات وچ شامل ہوسکدا ہے۔ اردگان نے نواز شریف نوں عزیز دوست قرار دتا تے آکھیا وزیراعظم پاکستان بھارت نال چنگے سانگے چاہندے نیں۔ مسئلہ کشمیر تے انہاں دی وزیراعظم نواز شریف نال گل بات ہوندی رہندی اے۔ کشمیر دا مسئلہ دوناں ملکاں نوں پریشان کررہیا ہے تے مسئلے دے حل تک عالمی امن وی داؤ تے لگا رہے گا۔پہلاں تے بھارتی سرکاری حلقے چپ رہے اتے بعد وچ ایس پیشکش نوں مسترد کر دتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels