Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت وچ وی سول ملٹری ٹینشن: عدالت حقیقتاں توں بے خبر ہے۔میجر جنرل مرینال سمن

بھارت وچ وی سول ملٹری ٹینشن: عدالت حقیقتاں توں بے خبر ہے۔میجر جنرل مرینال سمن

May 2nd, 2017

پچھلا ہفتہ بڑا اوکھا سی کہ پہلاں سکم وچ ماؤ نوازاں ہتھوں سنٹرل پلس دے25بندے مر گئے تاں فیر ات گرداں ترے فوجی جوان شہید کر دتے۔۔۔عدالت دے فیصلے پاروں سانوں ایڈا عذاب ویکھنا پیا۔ایہہ گلاں کسے ہور نے نہیں سگوں اک ایسے بھارتی میجر جنرل لکھیاں نیں جیہڑا سیاہ چن اتے پوکھران ایٹمی دھماکے پاروں وڈے فوجی اعزاز وی لے چکیا ہے۔انہاں اج بھارتی میڈیا تے اک آرٹیکل وی لکھ ماریا ہے۔اوہ اک ایسے قنون دی حمائیتاں کر رہے نیں جیہڑا انصافی پدر تے پورا نہیں اتردا اتے اوس قنون خلاف اقوام متحدہ دے انسانی حقاں دے ادارے مارچ 2012وچ کھلی گل کر چکے نیں۔ایہہ قنون انگریزاں اوس ویلے بنایا سی جداں کانگرس ہندوستان چھڈ دیو لہر اسارن نوں تیار سی۔ پنڈت ہوراں آزاد ہند وچ ایس نوں جاری رہن دتا کیونجے ہن ایس نوں نویں حکمراناں ورتنا سی۔ناگا لینڈ والیاں1951وچ جدان آزادی دا اعلان کیتا تے پہلے انڈین الیکشن دا بائیکاٹ کر کے ثابت کردتا کہ لوک کیہہ چاہندے نیں تے انہاں نوں ایسے قنون نال بھارت ماتا دا انگ بنایا گیا۔1958توں ایہہ قنون آرمڈ فورسز سیشل پاور ایکٹ پاروں ست باغی تھاواں، ناگا لینڈ، آسام، اروناچل پردیش وغیرہ خلاف چلدا رہیا۔ ایہو اوہ کالاقنون ہے جیہڑا1983توں1997تیک پنجاب تے چندی گڑھ دے باغیاں خلاف ورتیا گیا۔1990توں ایہہ کشمیریاں خلاف ورتیا جا رہیا ہے۔انڈیا وچ اجیہ آوازاں وی نیں جنہاں ایس دے خلاف گل کیتی کہ جج ریڈی دی رپورٹ وچ تے ایس نوں بھارتی آئین خلاف آکھدے ہوئے مکاون دی سفارش کیتی۔ایس قنون پاروں چیندیاں تھاواں وچ پلس تے فوج نوں انی طاقتاں مل جاندیاں نیں اتے اوہ کسے نوں وی بھڑ تے مار سکدے نیں۔پر پچھلے سال سپریم کورٹ نے اجہے وقوعیاں دی ایف آئی آر تے انکوائری دی شرط لا دتی۔ میجر جنرل دا آرٹیکل ایس خلاف ہی لکھوایا گیا ہے۔ایس عدالتی فیصلے خلاف مودی سرکار ریوو وچ گئی سی تے27اپریل نوں سپریم کورٹ اپنے پرانے فیصلے نوں برقرار رکھیا۔لگدا اینج ہے کہ بھارتی فوج نے آپ اک قتلام سکم نیڑے کروایا ہے تے ایس نوں ماؤ نوازاں تے پا کے عدالت نوں انڈر پریشر کر رہی ہے۔سیکورتی دا گھما تے انہاں کول ہے اتے سیکورٹی تے قومی مفاداں اگے میڈیا وی در وٹ لیندا ہے۔اپنی دلیلاں دیندیاں میجر جنرل کنج آپ نوں ایکسپوز کیتا ایہہ تساں آپ پڑھ لیناں کہ آرٹیکل دا لنک وی اخیر وچ دے دیندے ہاں۔ وڈی دلیل ایہہ ہے کہ ایس قنون پاروں اساں کڈیاں اندرونی بغاوتاں ڈکیاں نیں اتے جے اوہ بغاوتاں اساں نہ ڈکدے تاں اج انڈیا ہورے اک قوم نہ ہوندا۔ہن ایس دلیل نوں سن کے بندہ رو وی نہیں سکدا۔پئی جنہاں لوکاں نوں تساں ماریا اوہ وی تے بھارتی سن۔ایس آڑ وچ سیکورٹی اداریاں ناگا لینڈ توں پنجاب، کشمیر تیک کیہہ کجھ کیتا ہو سہ اوس دا وڈا حوالہ وکی لیکس وچ آچکیا ہے۔عدالت تے ایہہ سب ویکھ رہی ہے اتے اوس نیں نرا ایف آئی آر تے انکوائری دا آکھیا ہے ۔پر جیہڑا چور ہوئے اوہ آپ گھابر جاندا ہے۔ میجر جنرل دا ایہہ مضمون بھارتی فوج تے سیکورٹی اداریاں خلاف آپ اک ایف آئی آر ہی نہیں سگوں اوس سول ملٹری نینشن دا لشکارا وی جیہڑی بھارت وچ کڈے چر توں جاری ہے۔پر اوتھے ایہہ لڑائی عدالت وچ لڑی جارہی ہے اتے ایہو اک وادھا وی ہے۔
Link of the article
http://www.sify.com/news/supreme-court-declines-to-unshackle-the-security-forces-news-columns-rfbnxMgjccdbj.html
Armed Forces (Special Powers) Act (AFSPA)
https://en.wikipedia.org/wiki/Armed_Forces_(Special_Powers)_Act


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels