Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> شمالی کوریا دا اک ہور بیلسٹک میزائل تجربہ۔۔فیر ناکام

شمالی کوریا دا اک ہور بیلسٹک میزائل تجربہ۔۔فیر ناکام

وچار ڈیسک
April 30th, 2017

جنوبی کوریا تے امریکہ ولوں دسیا گیا ہے کہ شمالی کوریا نے اک بیلسٹک میزائل دا تجربہ کیتا ہے۔ اخباری ادارے ہونہاپ نے جنوبی کوریا دے عسکری حوالیاں نال دسیا ہے کہ ایہہ میزائل لانچ دے چند سیکنڈ بعد ہی پھٹ گیا ۔ روئٹرز نے امریکی حکومت دے ذرائع دے حوالے نال دسیا کہ ایہہ تجربہ ناکام رہیا ہے۔ جنوبی کوریا دے ملٹری چیف آف سٹاف دا آکھنا ہے کہ ایہہ دارالحکومت پیانگ یانگ دے شمال وچ واقع صوبہ جنوبی پیان گن توں مقامی وقت دے مطابق جمعرات دی سویر نوں فائر کیتا گیا۔ ایس میزائل تجربے دی خبراک ایسے وقت سامنے آئی ہے جد چند گھنٹے پہلے ہی امریکی وزیر خارجہ ریکس ٹلرسن نے عالمی برادری توں شمالی کوریا دے جوہری پروگرام نوں ختم کروان وچ مدد کرن دا مطالبہ کیتا سی۔چیتے رہے کہ خطے وچ کشیدگی پائی جاندی ہے اتے شمالی تے جنوبی کوریا ولوں جنگی مشقاں وی جاری رہیاں نیں۔
پہلاں وی شمالی کوریا دا اک میزائل لانچ دے چند سیکنڈ بعد ہی پاٹ گیا سی۔ شمالی کوریا نے پچھلے مہینیاں وچ کئی وار میزائل دے تجربے کیتے نیں تے چھواں جوہری تجربہ کرن دی دھمکی دے رکھی ہے۔ امریکہ نے وی خطے وچ اک جنگی جہاز تے آبدوز نوں تعنیات کیتا ہے۔ ایس نے جنوبی کوریا وچ اپنے تھاڈ اینٹی میزائل نظام نوں وی نصب کیتا ہے جس توں شمالی کوریا نوں بہوں مرچاں لگیاں نیں ۔پوپ ہوراں آکھیا ہے کہ اوہ ایس جنگ نوں روکن وچ کردار ادا کرن نوں تیار نیں۔ایس لڑائی دی سب توں دلچسپ خبر صدر ٹرمپ دا جنوبی کوریا نوں جنگ دا بل ادا کرن دا آکھنا ہے۔اجہیا اک مطالبہ ٹرمپ ہوری سعودی عرب نال وی کر چکے نیں۔اک پاسے امریکہ چوہدری بننا چاہندا ہے تے دوجے پاسے چوہدری اپنے بھکا ہون دا تاثر وی دے رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels