Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سافٹ امیج:سعودی اتحاد نوں چکن لئی برطانوی اشتہاری فرم نوں ٹھیکہ

سافٹ امیج:سعودی اتحاد نوں چکن لئی برطانوی اشتہاری فرم نوں ٹھیکہ

وچار ڈیسک
April 29th, 2017

سعودی اتحاد دے نوں دنیا لئی اک سوہنی من موہنی بوتھی دین لئی برطانیہ دی اک پبلک ریلشنز(پی آر) فرم برسون مارسٹیلر نوں ٹھیکہ مل گیا ہے۔ ایہہ خبر سپٹنک نیوز رپورٹ کیتی ہے۔ سعودی فوجی جرنیل احمد الصیری آکھیا ہے کہ ایہہ اتحاد یمن دے حوتیاں نوں فکس کرن لئی وی کم کرسکدا ہے۔برطانیہ دی ایس فرم نوں مارچ وچ ٹھیکہ دتا گیا سی اتے ہورے ایس فرہم ہی ایس اتحاد دا ناں IMAFT رکھیا ہے۔ ایس فرم دے سعودی سرکار نال سانگے پرانے نیں کہ 9/11 بعدوں ایس فرم نوں ایہہ ٹھیکہ لبھیا سی کہ اوہ میڈیا وچ اجہی خبراں تے لکھتا ں چھپوان جس پاروں 9/11 دے حملہ آوراں تے سعودی عرب نوں لوک وکھ کرکے ویکھ سکن۔ چیتے رہے انہاں حملیاں وچ 15 حملہ آور سعودی سن۔ فرم دا ہیڈ کواٹر لندن وچ ہے پر اوس ریاظ تے جدہ وچ وی دفتر کھول رکھے نیں۔اینج جاپدا ہے کہ سعودی عرب نوں پچھلے دناں اقوام متحدہ وچ سٹیٹس ا�آف ویمن دے عالمی ادارے دا ممبر بناون وچ وی کسے پی آر فرم دا ہی ہتھ ہے۔ایہہ برٹش فرم وڈے وڈے ظالم تے قبضہ گیر ملکاں دے بوتھے نوں دینا اگے سنوار کے پیش کرن دا تجربہ رکھدی ہے۔ 1970 دے دہاکے وچ ایس فرم ارجٹائن دی فوجی حکومت کولوں لمیرا ٹھیکہ لتا سی۔ 1976-83 دے درمیان اوس فوجی حکومت اپنے ہزاراں شہری مارے سن تے ایہو فرم اوس نوں بنا سنوار کے پیش کردی سی۔ہن سمجھ آئی مشرف دی خبراں کیوں باہر دے اخباراں وچ چھپدیاں سن۔سپٹنک دسیا ہے کہ برطانوی ریاست تے انہاں پی آر فرماں دا ایڈا سانگا کیوں ہے۔آف شور جنتاں وانگ پی آر فرماں لئی وی قنون نرم رکھے گئے نیں۔ امریکہ وچ پی آر کمپنیاں نوں غیر ملکیاں دی پی آر کرن توں پہلاں ایہہ دسنا پیندا ہے کہ ایس دا مقصد کیہ ہے۔ جداں کہ برطانیہ وچ ایسے کوئی قنون نہیں نیں۔ سعودی عرب اجہے بہوں سارے طریقے اپنائے نیں جس پاروں اوس دا چنگا بوتھا وکھایا جاندا ہے۔ سپٹنک نیوز والیاں انہاں جرمن صحافیاں دا ذکر وی کیتا ہے جہناں نوں 7500 یورو ماہانہ ملدے سن کہ اوہ سلطنت بارے چنگے مضمون اخباراں وچ لکھن۔ اجہی پی آر فرماں نوں اپنے مخالفاں خلاف خبراں لاون دا ٹاسک وی دتا جانداہے۔ذرا پتہ تے کرو، اوہ کیہڑیاں پی آر فرماں نیں جو اج کل پاکستانی میڈیا وچ تواتر نال چین مخالف خبراں وڈے توں لے کے نکے نکے اخباراں وچ چھپوا رہیاں نیں۔انہاں پی آر فرماں دے سانگے مدرسیاں، مذہبی جماعتاں توں لے کے این جی اوز تیک تگڑے کہ ایہہ پی آر دا گھیرا پیٹا ملفوف وی ہے تے گھنجلدار وی۔ہن تساں جد وی ایس نویں سعودی اتحاد بارے خبر پڑھو تے برطانوی کمپنی نوں ’’دعاواں‘‘ دینا نہ بھلنا۔ایس اتحاد نوں جان بجھ کے کدی ’’سنی‘‘، کدی ’’اسلامی‘‘ اتحاد تے کدی ’’مسلم نیٹو‘‘ لکھیا جاندا ہے تانجے سنی تے اسلام دے شیدائی تے فٹ توں ایس دے نال مل جان۔فیر ایہو ٹرماں انہاں دے مخالفین وی ورتدے نیں۔سپٹنک دی خبر دا لنک وی دے رہے ہاں تانجے سند رہے۔پچھلے دناں جداں ایس اتحاد وچ 41واں ملک ’’اومان‘‘ رلیا سی تے ایس بارے وڈیاں خبراں لوایاں گیاں سن۔فرماں ایس گل دا خاصم خاص دھیان رکھدیاں نیں کہ کس ملک وچ خبراں لوانیاں نیں تے کس ملک وچ ’’لکانیاں‘‘ نیں۔ویسے اجہی پی آر فرماں نوں ایران وی ٹھیکے دیندا ہے۔ ایہہ ماڈرن میڈیا دااوہ بوتھا ہے جس بارے آزاد تے بولڈ میڈیا ہاوس وی گل نہیں کردے۔تاں مارے تے اپنی رضیہ بھٹی(ایڈیٹر نیوز لائن میگزین) مرن توں پہلے دس گیاں سن کہ میڈیا کدی آزاد ہو ہی نہیں سکدا ، ہاں ایہہ صحافی ہے جو آزاد ہو کے اپنی گل کر سکدا ہے۔
For more details, click the link below
https://sputniknews.com/middleeast/201704271053077140-saudi-uk-pr-firm/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels