Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ججاں نوں پلاٹ الاٹمنٹاں رئی( فیور) تے کوڑ کم( مس کنڈکٹ )ہے۔ سابق چیف جسٹس جواد ایس خواجہ

ججاں نوں پلاٹ الاٹمنٹاں رئی( فیور) تے کوڑ کم( مس کنڈکٹ )ہے۔ سابق چیف جسٹس جواد ایس خواجہ

وچار ڈیسک
April 28th, 2017

اسلام آباد: سوجوان سابق چیف جسٹس رٹائرڈ جواد ایس خواجہ آکھیا کہ اثر و رسوخ رکھن والے چند خاصم خاص طبقیاں لئی رہائشی پلاٹاں دی الاٹمنٹ دی پالیسی جانبداری تے ناانصافی ہے اتے اعلیٰ عدلیہ دے ججاں دے معاملے وی ایس پاروں میل نہیں کھاندے۔ سابق چیف جسٹس نے حکومت ولوں ایس طراں دی پیشکش قبولی نہیں سی پرانہاں دے ساتھی ججاں نوں اسلام آباد وچ پالیسیپاروں دو،دو رہائشی پلاٹ الاٹ کیتے گئے سن۔ اوہناں آکھیا کہ ایس طراں دی پالیسی نہیں ہونی چاہیدی جتھے ریاستی وسایل تے نرا خاصم خاص طبقیاں دا قبضہ ہوئے۔ انہاں نے آکھیا کہ ’’اعلیٰ عدلیہ دے ججاں دے معاملے وچ میری نظر وچ اک پلاٹ الاٹمنٹ دی پیشکش وی قبول کرنا ججاں دے ضابط اخلاق دی خلاف ورزی ہے‘‘۔ انہاں نے مزید آکھیا کہ ججز صدارتی حکم نامے (پنشن، تنخواہ تے مراعات) دے تحت کوئی ایسی چیز قبول نہیں کرسکدے جیہڑی ایس حکم نامے وچ کیتی گئی پیشکش توں ودھ کے ہوئے۔ دی نیوز نے جسٹس ریٹائرڈ جواد ایس خواجہ نال بدھ نوں رابطہ کیتا سی کہ انہاں دے اک لمز دے ساتھی نے ایس نمائندے نال رابطہ کرکے وضاحت کیتی کہ جسٹس ریٹائرڈ جواد ایس خواجہ نے حکومت کولوں اک پلاٹ وی حاصل نہیں کیتا۔ دی نیوزنے اپنی حالیہ خبر، ’’جسٹس اعجاز افضل دے خلاف بدنام کرن دی مہم بے بنیاد ہے‘‘ وچ غلطی نال ایہہ ذکر کردتا سی کہ جسٹس ریٹائرڈ ایس خواجہ واحد استثنی نیں جہناں نے اسلام آباد وچ وادھورہائشی پلاٹ لین توں انکار کردتا سی۔ درحقیقت انہاں نے تے اک پلاٹ وی نہیں لیا تے نہ ہی اوہ حکومت توں کسی فیور دی خواہش رکھدے نیں۔ انہاں دا آکھنا ہے کہ آئین دے تحت حلف چکن والے جج کسی وی پالیسی دے تحت ایسی پیشکش قبول ہی نہیں کرسکدے۔ جج کس طراں حکومت توں پلاٹ وصول کرسکدے نیں جد کہ انہاں نوں آئے دن حکومت دے خلاف ہی مقدمیسننے ہوندے نیں۔ انہاں نے ججاں لئی ضابط اخلاق دے ’’آرٹیکل viii‘‘ دا حوالہ دتا تے آکھیا کہ انہاں دی رائے وچ جج دا کسی کولوں وی کوئی مہربانی نوں قبولنا ایس آرٹیکل دے نال جج دے حلف دے خلاف ورزی ہے۔ آرٹیکل وچ آکھیا گیا ہے کہ ’’تحائف صرف قریبی رشتے داراں تے قریبی دوستاں توں لتے جا سکدے نیں جیہڑے صرف روایتی ہون۔ مہربانی دے انداز وچ کوئی وی چیز جس دا عہدے تے کوئی اثر پئے ایس توں انکار کرنا لازمی ہے۔ کوئی وی پیشکش قبول کردے ہوئے خوای اوہ عام ہوئے یا خاص ایس گل دی احتیاط کیتی جانی چاہیدی ہے کہ ایس دا حقیقیٹیچا جج دے فرضاں توں ٹکرانداتے نہیں ۔
For complete story click below link
https://jang.com.pk/print/305578-todays-print


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels