Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> یمن تے سعودی ظلم: ہر دس منٹ بعد بچہ مردا ہے۔ اقوام متحدہ سیکٹری جنرل۔سعودی اتحاد توں خطرہ ہے(ویڈیو)

یمن تے سعودی ظلم: ہر دس منٹ بعد بچہ مردا ہے۔ اقوام متحدہ سیکٹری جنرل۔سعودی اتحاد توں خطرہ ہے(ویڈیو)

وچار ڈیسک
April 26th, 2017

یمن وچ بچے قحطاں نال مررہے نیں۔ایس انسانی المیے نال نبڑن لئی لمیری رقماں دی لوڑ ہے۔ پر ایس جنگی جنون دا شکار ملک نوں مستقبل وچ اک وڈا خطرہ سٹریٹیجک الحدیدہ بندرگاہ ول سعودی اتحاد ولوں ہے۔سیکٹری جنرل اقوام متحدہ انتونیو گیوٹرز آکھیا کہ یمن وچ ہر دس منٹ وچ اک بچہ مررہیا ہے۔ ایس دا مطلب ہے کہ اج دی کانفرنس دوران یمن وچ 50 بچے مرچکے نیں۔ اک پوری نسل نوں مکایا جارہیا ہے۔اساں ایس نون روک سکدے ہاں۔ اوہ جنیوا وچ یمن بارے ا ک ڈونر کانفرنس نال خطاب کریندے پئے سن۔ سیکٹری جنرل یمن دے مسئلہ تے دنیا نوں شیشہ وکھاندے ہوئے آکھیا پئی ایس ویلے دو کڑوڑ لوکاں نوں ایمرجنسی وچ مدد د ی لوڑ ہے۔انہاں وچ 30لکھ اوہ بچے نیں جیہڑے بھک تے خراب (غیرصحت مند)کھانیاں پاروں مرن نوں تیار نیں۔اے ایف پی نال گل کردے ہوئے یونیسف دے مڈ ایسٹ تے شمالی افریقہ لئی ڈائریکٹرجیرٹ کیپیلیئر آکھیا ہے کہ جڈے بچے یمن وچ مررہے نیں اوس دا مقابلہ دنیا دے کسی وی ملک نال نہیں ہوسکدا۔ ایمینسٹی انٹرنیشنل25 اپریل نوں اک رپورٹ یمن بارے جاری کیتی ہے جس پاروں یمن وچ70لکھ لوک فاقیاں پاروں موت دے نیڑے نیں۔ایس رپورٹ دا لنک وی دے رہے ہاں کیونجے پاکستانی میڈیا وچ ایس بارے خبراں اج کل بہوں گھٹ آرہیاں نیں حلانکہ یمن وی اک مسلمان ملک ہے۔کجھ ہفتے پہلاں جداں یمن دا اک وفد وزیراعظم پاکستان نوں ملیا سی تے اوس خبر نوں وی ساڈے میڈیا وچ نکی جہی تھاں ملی سی۔ ایس کانفرنس بعدوں ڈونر ملکاں ولوں 1.1 بلین ڈالر(اک کھرب توں وادھو روپیئے) دی رقم دا علان کیتا گیا جس نوں انسانی بنیاداں تے یمن لئی ورتیا جائے گا۔اقوام متحدہ2.1بلین ڈالر دا آکھیا سی۔پاکستانی سرکار نوں یمن وچ انسانی ہلاکتاں دے خطرے توں نبڑن لئی فنڈ بنانا چاہیدا ہے اتے میڈیا راہیں لوکاں نوں ایس وچ حصہ پان دی مہماں اساریناں چاہیدیاں نیں۔سیاسی جماعتاں نوں وی ایس سانجھے مسلہ تے رل کے کم کرنا چاہیدا ہے کیونجے یمن بارے پارلیمنٹ اک سانجھی قرارداد وی پاس کیتی سی۔
Link of Amenesty Report on Yemen
https://www.amnesty.org/en/latest/news/2017/04/yemen-mounting-fears-for-civilian-safety-as-hodeidah-offensive-looms/
Link of News and Video
https://www.rt.com/news/386125-amnesty-yemen-famine-saudi/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels