Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> دیواراں تے فوٹواں: 31سالہ کیوبن آرٹسٹ کمال کردتا

دیواراں تے فوٹواں: 31سالہ کیوبن آرٹسٹ کمال کردتا

وچار ڈیسک
April 25th, 2017

دیواراں نوں سوہنا تے من موہنا کرن لئی 31سالہ کیوبن آرٹسٹ ہوانا دے آل دوال اک نواں کم پادتا۔ گلیاں تے بلڈنگاں دی خالی خولی دیواراں تے اوس تصویراں بناون دا سلسلہ کلے ہی شروع کیتا پر اج ایہہ آئیڈیا سب نوں پسند آرہیا ہے۔ ایہہ فوٹواں بلیک اینڈ وائٹ نیں پرجے ہور آرٹسٹ مل گئے تاں انہاں وچ رنگ وی پئے جان گے۔
آندے نیں کہ کمیونسٹ کیوبا وچ سٹریٹ آرٹ دا ایہہ پہلا تجربہ ہے کہ آرٹسٹاں نوں گھل کے کھیڈن دا زمانہ کجھ سال توں ہی شروع ہویا ہے۔’’ میزل لوپیز‘‘ ہوری ہن تیک 30میورل بنا چکے نیں اتے ایہہ نہ کوئی ڈونر پراجیکٹ ہے نہ ہی اوہ کسے کولوں ایس لئی رقم منگدا ہے۔ اوس اپنے نکے جہے علاقے ’’پلیا‘‘ دی دکاناں تے گھراں دی دیواراں توں ایہہ کم شروع کیتا سی۔ اوہ عام منڈے کڑیاں دی فوٹواں بنادا ہے کیونجے آرٹسٹ ہن ہر تھاں چی گویراتے کاسترو دی فوٹواں ویکھ کے رجھ گیا جاپدا ہے۔ اوہ آندا ہے میں حقیقت دے نیڑے نیڑے رہنا چاہندا ہاں۔ ویسے ایس نیں بولیویا وچ کیوبا ولوں جاکے کم وی کیتا سی اتے اوہ کیوبن آزادی دا حامی ہے جس نوں کاسترو لے کے آیا سی۔ پر اوس دا خیال ہے ہن سانوں کجھ ہور کم کرن دی لوڑ ہے اتے میرا ٹیچا بچے نیں۔ اپنا روٹی روزگار کماون لئی اوہ سکولاں وچ آرٹ دی کلاساں پڑھاندا ہے۔ اوہ اپنی بنائی فوٹواں دی نمائش لاکے وی کجھ رقم کمالیندا ہے۔ اک بیکری چلاون والے ’’ویوین ہریرہ‘‘ آکھیا ہے کہ ایس آرٹسٹ نے گلیاں تے دیواراں وچ ’’جان‘‘ پادتی ہے۔ اوہ کڑی دی فوٹو ویکھو، لگدا ہے اوہ سچی مچی ایتھے ہی ہے اتے اپنے وڈے وڈے ڈیلے کھول کے ویکھ رہی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels