Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> معیشت،سیکورٹی تے پارلیمان دی پدر تے کم ۔ایرانی سپیکر , خارجہ وزیر۔ایران سی پیک وچ رلتی ہوئے۔صادق

معیشت،سیکورٹی تے پارلیمان دی پدر تے کم ۔ایرانی سپیکر , خارجہ وزیر۔ایران سی پیک وچ رلتی ہوئے۔صادق

وچار ڈیسک
April 23rd, 2017

پاکستان دی قومی اسمبلی دے سپیکر سردار ایاز صادق ایرانی پارلیمنٹ دے سپیکرعلی لاریحانی دی دعوت تے اسلامی جمہوریہ ایران دے پنج دناں دے دورے تے نیں۔اج دوناں سپیکراں لمیری ملاقات کیتی اتے ملاقات بعدوں میڈیا نال گل بات وی کیتی۔انہاں آکھیا اساں پاکستان نال خطہ بارے صورتحال تے رابطے وچ ہاں اتے پاکستان امن لئی وڈا کردار ادا کر سکدا ہے۔خطہ بارے پاکستان تے ایران وچ بہوں حوالیاں نال سانجھ ہے۔ایاز صادق اک وڈا وفد لے کے تہران گئے نیں۔ایرانی خارجہ وزیرمحمد جواد ظریف ہوراں چابھار ڈویلپمنٹ پراجیکٹ وچ اسلامآباد دی شمولیت نوں جی آیاں نوں آکھیا۔ایرانی خارجہ وزیر آکھیا ایران ہر میدان وچ پاکستان نال چلن لئی تیار ہے اتے معیشت،سیکورٹی تے پارلیمان دی پدر تے رل مل کم کراں گے۔دوناں پاسیوں ایس گل تے اتفاق ہویا پئی ہن دوناں ملکاں وچ لوکان تے پارلیمان دی پدر تے ایکسچینج پروگرام ہونا لوڑی دا ہے۔سپیکر قومی اسمبلی جداں امام خمینی ائیرپورٹ جمعہ نوں اپڑے سن تے انہاں ایہہ گل کیتی سی کہ ہن پاکستان تے ایران وچ اک نویں شاندار دور دا آغاز ہوئے گا۔
یاز صادق دا دورہ اک ایسے موقعہ تے ہو رہیا ہے جداں پاک ایران تعلقاں وچ بہوں وسوسے نیں اتے انہاں نوں دور کرن دی لوڑ ہے۔اپنی گل بات وچ ایاز سادق ہوراں پاکستان دے نیشنل سیکورٹی ایڈوائزرجنرل(ر) نصیر خان جنجوعہ نے وی جداںیران دا دورہ کیتا سی تے آکھیا سی کہ پاکستان لئی ایران دیاہمیتاں وادھو نیں۔ایز صادق دا آکھنا سی کہ ایران تے پاکستان سانجھے خطریاں خلاف لڑن لئی تیار نیں۔

For further news click HERE
http://www.irna.ir/en/NewsPage.aspx?action=qs&txt=ayaz%20sadiq


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels