Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> شام:روس، ایران، ترکی اکٹھے نیں۔ روسی وزیر خارجہ۔ پر پاکستان کس نال ہے؟

شام:روس، ایران، ترکی اکٹھے نیں۔ روسی وزیر خارجہ۔ پر پاکستان کس نال ہے؟

وچار ڈیسک
April 22nd, 2017

شہنگھائی کو آپریشن آرگنائزیشن (SCO) دی میٹنگ بعد کازکستان دے وچلے شہر ’’آستانہ‘‘ وچ میڈیا نال گل بات کردے روسی وزیر خارجہ دسیا کہ شام وچ امن لئی روس، ترکی، ایران اکٹھے نیں۔ یاد رہے روس دی شامی پنگے وچ مداخلتاں بعدوں ایس دا فرقہ وارانہ رنگ گھٹ ہویا سی اتے روس دی کوششاں بعدوں شامی حکومت تے باغی اک میز تے آن لئی تیار ہوچکے سن۔ شام دے مسئلہ دا سیکولر حل نکلن دی اْمیداں جنوری تیک بہوں سن۔ایہہ امیداں اج وی نیں۔ایس سلسلے دا نواں اجلاس 4 مئی نوں طے ہے۔ 19 اپریل نوں ایس سلسلہ وچ تہران وچ وی اک میٹنگ ہوئی ہے۔ اقوام متحدہ ولوں اک خصوصی وفد وی انہاں اجلاساں وچ رلتی ہے۔ پاکستان مڈل ایسٹ بحران وچ نیوٹرل رہن دا دعویدار ہے۔ ایس دی اسمبلیاں یمن دی لڑائی وچ غیر جانبدار رہن دی گل کردیاں رہیاں نیں۔پاکستان اصولی طور تے مڈل ایسٹ وچ نیوٹرل رہنا چاہندا ہے۔ ایس ویلے پاکستان دی تنوں وڈیاں پارٹیاں ایہو سمجھدیاں نیں کہ پاکستان نوں نیوترل رہنا چاہیدا ہے۔تحریک انصاف دے چیئرمین عمران خان نے تے اسمبلی وچ راحیل شریف دی نوکری تے سعودی اتحاد بارے بحث لئی قرار داد لیان دا اعلان وی کیتا سی۔ پر ہن دروٹن لئی سب سیاسی پارٹیاں آپس وچ لڑ رہیاں نیں تانجے دھیان کسے ہور پاسے لگیا رہے۔ جے پاکستان مڈل ایسٹ وچ نیوٹرل ہے تاں اوہ ایس ترے ملکی اتحاد وچ وی رلتی ہوسکدا ہے۔اس ویلے پاکستان دی قومی اسمبلی دے سپیکر ایاز صادق ایران دے دورے تے نیں جیہڑا اجہے بھیڑے دناں وچ اک چنگا شگون ہے۔ پر سوال تے ایہہ ہے شام دے مسلے دا حل سانجھی کوششاں وچ ہی ہے اتے روس، ایران تے ترکی ایس وچ پیش رفت چاہندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels