Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> رنگ سیاست دے: احمدی نژادد فارغ، یدھ حسن روحانی تے ابراہیم رئیسی وچ

رنگ سیاست دے: احمدی نژادد فارغ، یدھ حسن روحانی تے ابراہیم رئیسی وچ

وچار ڈیسک
April 22nd, 2017

ایران دی صدارتی چوناں توں سابق صدر محمود احمدی نژاد نوں فارغ کرن وچ کیہڑی سیاستاں نیں۔ محمود احمدی نژاد 8 سال تک ایران دے صدر رہ چکے نیں۔ انہاں نوں ایران دی سپریم باڈی شورائے نگہبان نااہل قرار دتا۔ سخت گیر موقف رکھن والے محمود احمدی نژاد 2005 تے2013 دے درمیان دو وار صدر رہ چکے نیں۔ ایران دے رہبر اعلی آیت اللہ علی خامنائی انہاں نوں حالیہ انتخابات وچ حصہ لین توں منع کیتا سی۔ پر محمود احمدی نژاد باز نہ آئے تے انہاں صدارتی الیکشن لئی کاغذات جمع کراچھڈے۔ شوری نگہبان انہاں دی چھٹی کروا دتی۔چیتے رہے ایران وچ صدارتی چوناں اگلے مہینے تیار نیں۔موجودہ صدر حسن روحانی مڑ چوناں لڑ رہے نیں اتے انہاں دے مقابلیاں وچ رئیسی ہوری نیں جنہاں نوں خامنائی ولوں لبرل روحانی نوں فارغ کرن لئی اگے کیتا گیا جاپدا ہے۔احمدی نژاد دے کھڑے ہون نال قدامت پسنداں دے ووٹ ونڈن دے خطرے نوں ویکھدے ہوئے گارڈین کونسل نے انہاں نوں اتے انہاں دے سجناں نوں چوناں توں ہی کڈھ ماریا ہے۔ ایران وچ ملاواں دی کونسل کول ایہہ اختیار ہے کہ اوہ کسی وی اْمیدوار نوں چوناں لڑن دے بنیادی حق توں محروم کر سکدی ہے۔پاکستانی آئین وچ ضیاالحق وی ایہو کرنا چاہندا سی اتے تاں مارے اوس نے 62,63 ورگیاں مبہم شقاں آئین وچ پایاں سن۔ایہہ نکمی جمہوریتاں دا بوتھا تانجے ریاست من مانیاں کر سکے۔ احمدی نجات نوں ایس دا پتہ سی پر اوس ضروری سمجھیا کہ شوری نگہبان نوں ایکسپوز کیتا جائے۔ایران دی داخلہ وزارت دسیا ہے پئی مئی19دی صدارتی چوناں وچ کل1636ایرانی لڑ رہے نیں اتے انہاں وچ 1499مرد تے نریاں137زنانیاں رلتی نیں۔اْمیدواراں وچ وڈی گنتری عام بندیاں دی ہے پر مقابلہ دو چار وچ ہی ہوندا ہے کہ ہو سکدا ہے زیادہ تر ناں بھرتی دے ہی ہون۔جے احمدی نژاد کسی عام اْمیدوار دے مگر کھلو گیا تاں کیہہ شوری والے اوس نوں ایس حق توں وانجھا کر سکن گے؟ابراہیم رئیسی احمد علم الھدی دا جوائی ہے جیہڑے حجتہ السلام وی نیں تے آیت اللہ وی اتے امام رضا دی مسیت دے امام وی۔2014توں2016دے اہم پیریڈ وچ ایران دے اٹارنی جنرل رہن والے سید ابراہیم رئیس السادات نہ صرف امام رضا دے مزار نوں چلاون والی این جی او ’’آستان قدس رضوی‘‘ دے وڈکے نیں سگوں خراسان توں مجلس خبرگان رہبری دے ممبر وی نیں۔جداں سودے نوں جاری رکھن دی خاہش وی ہوئے اتے ایہہ ڈر وی کہ سودے توں دوجی پارٹی پچھے وی ہٹ سکدی ہے تاں اجیہے بندے دی لوڑ ودھ جاندی ہے جیہڑا دونوں صورتاں نوں سنبھال سکے کہ ٹرمپ بعدوں بنن والے عالمی سلسلہ وچ تاں مارے رئیسی دا چانس وادھو۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels