Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> وکی لیکس دے بانی نوں پھڑیچنا پہلی ترجیح: امرکی اٹارنی جنرل چیف سیشنز

وکی لیکس دے بانی نوں پھڑیچنا پہلی ترجیح: امرکی اٹارنی جنرل چیف سیشنز

وچار ڈیسک
April 21st, 2017

امریکی ریاست ژولیان اسانج تے سنوڈن دے مگر کہ اوبامہ توں ٹرمپ آگیا پر ریاست نوں اندروں چیلنج دین والیاں نوں یاد رکھیا ہویا ہے۔ امریکی اٹارنی جنرل چیف ہوراں ایس عزم دا اظہار جمعرات نوں میڈیا ٹاک وچ سرعام کیتا۔ انہاں آکھیا کہ اسانج ریاست دے خفیہ راز جنج سامنے لایا اوس دی ماضی وچ کوئی مثال نہیں ملدی۔ ایس گل نوں ہمیش ہر حکومت یاد رکھے گی، میں ایس بارے آگاہ ہاں۔ ریاستاں دے سیکورٹی ادارے اتے پروفیشنل ایس گل دی اہمتیاں توں جانو نیں۔ اساں اک میمو (memo) تیار کررہے ہاں جس وچ اسانج اتے اوس دے سہولت کاراں گرد گھیرا تنگ کیتا جاسی۔ امریکی میڈیا وچ اجہی بہوں ساری رپورٹاں گردش کررہیاں نیں۔ پر جسٹس ڈیپارٹمنٹ ہلے ایس بارے خموش ہی ہے۔ اسانج 2012 توں لندن وچ بیٹھا ہے اتے اوس نوں ایکوا ڈور دے سفارتخانے پناہ دتی ہوئی ہے۔لندن دی مرضی کڈی ہے ایس بارے ہلے خموشیاں نیں۔ سویڈن وچ اوہ اک ریپ کیس وچ مطلوب جے پر اوس ایس توں برابر انکار کیتا ہے۔ پچھلے امریکی الیکشن وچ وی اوس دی ’’لیکس‘‘ کم وکھایا سی تے اوس دا ہورے خیال سی کہ ٹرمپ اوس نوں’’ بخشوا‘‘ دے گا۔ ایہو خیال سنوڈن دا وی سی جیہڑا روس تے ٹرمپ نوں نیڑے کرن دی صورت وچ اپنی معافی ویکھ رہیا سی۔ پر دوناں نال ایس جنگ وچ اوہی ہویا جو ہاتھیاں دی لڑائیاں وچ ڈڈواں نال ہوندا ہے۔ پچھلے دناں سی آئی دے ڈائریکٹر پومپیو ہوراں وکی لیکس نوں ویری انٹیلی جنس سروس آکھیا سی۔ انہاں آکھیا ہے کہ ایہہ اک نیٹ ورک ہے جیہڑا دوجی خفیہ ایجنسیاں وچ نوکریاں کرکے انہاں دی خفیہ معلومات چراندا ہے۔ ایہہ وطنی ریاستاں لئی وڈا خطرہ جے۔ انہاں ایس نیٹ ورک نوں ’’نان سٹیٹ انٹیلی جنس‘‘ دا ناں دتا ہے۔ پہلے اساں نان سٹیٹ ایکٹراں دے ناں سندے ساں ہن ناں سٹیٹ انٹیلی جنس وی آگئی ہے۔ مائک دے بیان توں اک دن پہلاں اسانج دا مضمون واشگٹن پوسٹ وچ چھپیا سی اتے اوس وچ اوس لکھیا سی کہ میں اوہی کم کررہیا ہاں جیہڑے امریکہ دا آزاد میڈیا کررہیا ہے اتے ایس دا گھیرا پیٹا عام امریکیاں نوں اصل خبراں دین تیک ہے۔پر ایس اصل خبراں پچھے کیہہ ہے اتے کیہڑے ملک نیں ایس بارے وسوسے وادھو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels