Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اقوام متحدہ2030تیک ذات پات دا بندوبست مکائے۔بھارتی نژاد امریکی ماہردلیپ

اقوام متحدہ2030تیک ذات پات دا بندوبست مکائے۔بھارتی نژاد امریکی ماہردلیپ

وچار ڈیسک
April 19th, 2017

اپریل دی13تریخ نوں ذاتاں پاتاں خلاف عالمی دیہاڑ قرار دتا جائے۔اقوام متحدہ عام انساناں لئی بنائی گئی ہے تاں فیر انساناں وچ امتیاز ورتن خلاف ایس دا کھلونا لوڑی دا ہے۔
امریکہ دے ہارورڈ بزنس سکول توں پڑھے دلیپ مہاسکے بھیم راؤ اْمبیدکر دی دلتاں، شودراں لئی کیتی جدوجہد نوں سلام پیش کردے نیں۔ہندو مذہب وچ ذات پات دے بندوبست نوں دھرم نال جوڑن پاروں بہوں بھارتی ذات پات دے بندوبست نوں جاری رکھنا چاہندے نیں۔پر جے انہاں نوں پچھو پئی’’ستی‘‘ دی رسم وی تے دھرم دا حصہ سی پر اج تساں اوس نوں چھڈ دتا ہے تے اوہناں کول کوئی جواب نہیں ہوندا۔ذات پات پاروں اج ڈیڑھ ارب توں زیادہ آبادی والے جنوبی ایشیا دا بوتھا دنیا اگے کوڑ ہے اتے دلیپ ہوراں نوں ایس دا خیال آنا چنگی گل۔دلیپ دا آکھنا ہے اج سارے انساناں نوں بربر ویکھنا لوڑی دا ہے اتے نہ کوئی کسے کولوں ذات ،رنگ پاروں اعلی ہے نہ گھٹیا۔اج اقوام متحدہ نوں رنگ، نسل، مذہب،ذات پات تے ضنفی فرق نوں مٹاون لئی فیصلہ کن لڑائی کرن دی لوڑ ہے اتے 2030دے سال نوں ایس تفریق نوں مکمل دفناون دے اعلان کرن دا سال بنانا ہو سی۔دلیپ ہوراں دا ادارہ اقوام متحدہ دے ڈیپارٹمنٹ آف اکنامک اینڈ سوشل افئیرز(UNDESA) نال جڑیا ہے اتے انہاں اوس دے اکٹھ وچ ایہہ تجویز رکھی۔ایس اکٹھ وچ بھارت دے اقوام متحدہ دے مستقل نمیندے نوں سدیا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels