Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارتی طالبان: ممتابیز جی دا سر وڈو تے 22لکھ دا انعام مل سی

بھارتی طالبان: ممتابیز جی دا سر وڈو تے 22لکھ دا انعام مل سی

وچار ڈیسک
April 12th, 2017

ساڈے دو پاسے طالبان، سارے کن ٹٹّے پہلوان
..کلکتہ: یوگیش ورشنے ہوری بی جے پی دے یوتھ وینگ دے لیڈر نیں تے مودی واد وی۔ انہاں ہنومان سرکار دی شان وچ نکلن والے جلوس نوں پلس ہتھوں کٹوان تے مغربی بنگال دی چونویں وزیر اعلیٰ ممتا بیز جی دے سر دی قیمت گیارہ لکھ بھارتی (22 لکھ پاکستانی) روپے رکھ دتی ہے۔اجہیا طالبانی کم کردے ہوئے انہاں اپنا ’’بنیا پن‘‘ نہ چھڈیا؛ قیمت ایڈی تھوڑی ہے کہ اجرتی قاتلاں نوں ایس تے مایوسیاں ہوئیاں نیں۔ یوتھ ونگ دے لیڈر وزیر اعلیٰ مغربی بنگال نوں ’’شیطان‘‘ آکھدے ہوئے بولے ’’میں آپ اک ویڈیو ویکھی..... جے کوئی ممتا بیز جی دا سر وڈ کے میرے کول لے آئے تاں میں اوس نوں گیارہ لکھ روپے دواں گا۔‘‘
ممتابیز جی نے ہندواں دی بے عزتی کیتی ہے۔ اتوار نوں اک ریلی کلکتہ توں 180 کلو میٹر دور ’’بربھوم‘‘ دی تھاں تے ہنومان دی سالگرہ پاروں کڈی گئی سی۔ پلس نے بغیر اجازت ریلی کڈہن والیاں نوں ڈکیا تے فیر ریلی کڈہن دتی پر جداں اوہ حدوں پار ہون لگے تے کٹ وی چاڑھی۔ پلس انہاں خلاف اوس ویلے حرکتاں وچ آئی جداں اوہ اک علاقہ مدرسہ روڈ تے جاون دی کوششاں کیتیاں۔ ہنو مان دی سالگرہ یکدم بی جے پی نوں یاد آگئی کہ ایہہ کم تے تلک، پیٹل، مہاتما گاندھی وی نہیں کیتا سی۔ پر آندے نیں جو بویا جائے گا اوہی وڈنا وی پیندا ہے۔ جو کجھ پٹیل، گاندھی، تلک رل مل بویا سی اج دی بی جے پی اوسے دی پیداوار اتے مودی دے آنڈے اوس توں وی چار ہتھ اگے۔ اک پکے بنیاد پرست وانگ بی جے پی نویں نویں دن منارہی ہے کہ دھرمی تے فرقو سیاست دا ایہو وڈا ہتھیار۔ پاکستان وچ وی بہوں سارے دن یکدم ساڈے سامنے منائے جانا شروع ہوگئے سن۔ اک پچھلے جلوس وچ تے بی جے پی والیاں کلکتہ وچ ہندواں دی راکھی لئی جداں جلوس کڈھیا سی تے اوس وچ بہوں سارے ہرکارے ننگیاں تلواراں لے کے سڑکاں تے آگئے سن۔ ہن انہاں دے بوتھے ہورکر دیو تاں انہاں وچ تے طالبان وچ کوئی فرق نہ رہے گا۔ ہن طالبان وانگ انہاں وی ’’سروڈن‘‘ دی ریت شروع کیتی ہے۔ مغربی بنگال وچ بی جے پی سرکار نہیں تاں مارے ہن ہندو کارڈ ورتیا جارہیا ہے ممتا ہوراں خلاف۔ میڈیا ایس اْتے کھیڈرہیا ہے تے کانگرس میسنی وانگ منجھا ہلان نوں تیار نہیں۔ جیہڑے اپنے ملک وچ ہندو دھرم دا کھلواڑ کردے نیں اوہ دوجیاں نال کیہہ کرسکدے نیں ایس بارے سب نوں چیتا ہورہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels