Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> طالبانی بھارت:ہندو کڑی نال عشق: بھارتی مسلمان تے تشدد

طالبانی بھارت:ہندو کڑی نال عشق: بھارتی مسلمان تے تشدد

وچار ڈیسک
April 9th, 2017

جھاڑ کنڈ: بھارتی صوبے جھاڑ کھنڈ دے ضلع گملا توں خبر آئی ہے کہ اک بھارتی مسلمان منڈے نوں لوکاں کھمبے نال بن دتا اتے کڑی دے سامنے اوس نوں بیلٹاں تے ڈھڈیاں نال ماریاں اتے چار گھنٹے تیک نہ اوتھے پلس تے نا ہی کوئی ہوراپڑیا۔ 20 سالہ محمد سالک کڑی نوں اوسدے گھر چھڈن سکوٹر تے بدھ والے دن آیا تے لوکاں اوس نوں اوتھے ہی پھڑیچ لتا۔ گملا پلس چیف کولوں جداں پچھیا گیا تاں اوس آکھیا، ’’اساں ویکھ رہے ہاں کہ ہجوم نوں ایہہ کم کرن لئی کڑی دے گھر والیاں تے نہیں آکھیا سی‘‘ مطلب جے کڑی دے گھر والیاں قنون نوں ہتھ وچ لین دی حمائیت کیتی تے پلس کجھ نہیں کرسکدی؟ اجہی بونگیاں دلیلاں اودوں آندیاں نیں جداں دال وچ کالا ہوئے اتے پاکستان وچ وی اقلتیاں نال ایہو ہوندا ہے۔ جھاڑ کنڈ اک نیم قبائلی تھاں جس دی سرحداں بہار، یوپی، مغربی بنگال تے اڑلیہ نال ملدیاں نیں۔ ایتھے 15 فیصد مسلمان رہندے نیں۔ ایتھے 13 فیصد اجہے لوک وسدے نیں جہناں دے قدیمی قبائلی دھرم نیں۔ اوڈاں، جانگلیاں دی گنتری وادھو ہے۔ منڈا تے دڑاوڑی قبیلے وڈی تعداد وچ نیں۔ 2000 وچ انہاں نوں صوبہ بنایا گیا۔ اک زمانے وچ ایہہ قدیمی مگدھ ریاست دے وارث سن اتے 1967 وچ شروع ہون والی نکسلائڈ لہر دا وی ایہہ اک تگڑا مرکز رہیا۔ گملا جھاڑ کنڈ دے 24 ضلعیاں وچوں اک ہے اتے ایس نوں ہندو دیو مالائی کردار ہنومان دے جنم پاروں اہمیتاں حاصل نیں۔ ایتھے ہنومان دا مندر وی ہے۔ انڈین سرکار دی رپورٹ مطابق بھارت وچ 640 ضلعیاں وچوں 250 ضلعے بہوں زیادہ غریب تے پسماندہ نیں ۔ جھاڑکنڈ دے حالات سب توں ماڑے کہ 24وچوں پورے 21ضعلے اونہاں250ضعلیاں وچ رلتی نیں۔ذرا غور کرو غربت تے پسماندگی پاروں بندے اک دوجے نوں وڈ دے پھردے نیں۔ انہاں دی غربت دا کارن تے دلی سرکارتے اوسدیاں پالیسیاں نیں پر اوہ غصہ اک دوجے نوں مار کے کڈہدے نیں۔ سالک ہوراں دا وقوعہ بس ایہو دس دا ہے۔مذہبی منافرتاں، قنون نوں ہتھ وچ لینا،نسلی ،قومیتی تے لسانی جھیڑے اشرافی طبقیاں نوں بہوں سوٹ کریندے نیں۔اوہ سالک نوں مار کے اپنی فریسڑیشن ہی دا اظہار کر رہے سن۔سالامتی کونسل دی ممبری لئی سب کجھ دان کرن نوں تیار بھارتی ریاست نوں اپنے اندر ویکھن دا حوصلہ وی ہونا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels