Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> لوڑ پئی تے شام تے ہور حملے کراں گے۔ نکی ہیلی سفیر امریکہ دی نویں تڑی

لوڑ پئی تے شام تے ہور حملے کراں گے۔ نکی ہیلی سفیر امریکہ دی نویں تڑی

وچار ڈیسک
April 8th, 2017

اقوامتحدہ وچ امریکی سفیرنکی ہیلی ہوراں اج سلامتی کونسل دے ایمرجنسی اجلاس وچ گل بات کردے ہور حملیاں دی تڑی لا دتی۔انہاں آکھیا پئی سانوں امید ہے کہ ہور حملیاں دی لوڑ نہیں پئے گی پر جے لوڑ سمجھی تاں حملے کراں گے۔جس تھاں اساں حملہ کیتا ہے اوتھوں باغیاں خلاف کیمیکل حملہ کیتا گیا سی جس وچ87لوک سنے27بچے مارے گئے سن۔ٹرمپ نوں شام دا نجات دہندہ آکھدے ہوئے اوبامہ تے تنقیداں کرن والے اج کن لپیٹ کے دروٹی بیٹھے نیں۔برطانیہ،جرمنی،فرانس،سعودی عرب،جاپان،اسرائیل، کنیڈا تے ترکی نے امریکی حملہ نوں جائز آکھیا ہے۔امریکی سیکٹری آف سٹیٹ ریکس ٹلرسن دے ماسکو دورہ توں پہلاں کیتے ایس حملہ دا ٹیچا بہوں سدھا جاپدا ہے اتے روس دا ردعمل ایہہ دسدا ہے پئی نشانہ ٹارگٹ تے لگیا ہے۔روسی ڈیفنس منسٹری دعوی کیتا ہے پئی59وچوں نرے23میزائل ٹارگٹ تیک اپڑے۔روس پچھلے کجھ مہینیاں وچ شام دے امن لئی ترکی، ایران، چین نوں نال بٹھا کے شامی سرکار تے باغیاں نوں وی رلا چکیا سی پر ایس حملے بعدوں چین خموش ہے تے ترکے امریکہ دے نال۔ترکی دا خیال ہے پئی کیمیکل حملہ کر کے بشار الاسد حکومت نے امن توں فیدہ چکن دی حرکت کیتی سی جداں کہ امریکیاں دا خیال ہے پئی شام روسی مدد توں بغیرکیمیکل حملہ کر ہی نہیں سکدا سی کیونجے ایہہ قابلیتاں روسیاں کول ہی نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels