Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> حسینہ واجد بھارت وچ: مودی ائیر پورٹ اپڑ گیا۔ بنگلہ دیشی ہندواں دا سوال گول؟

حسینہ واجد بھارت وچ: مودی ائیر پورٹ اپڑ گیا۔ بنگلہ دیشی ہندواں دا سوال گول؟

وچار ڈیسک
April 7th, 2017

بنگلہ دیش دی وزیراعظم اتے شیخ مجیب الرحمن دی دھی حسینہ واجد بھارت دے چار روزہ دورے تے نئی دہلی اپڑ گئی۔ مودی ہوراں ایس دورے نوں ہور چکن لئی آپ ائیر پورٹ آگئے اتے حسینہ نوں جی آیا نوں آکھیا۔ میڈیا وچ دسیا گیا ہے کہ بھارت ہور گلاں توں اڈ حاتم طائی دی قبر تے لت ماردے ہوئے بنگلہ دیش نوں 500 ملین ڈالر دی دفاعی مدد وی دے گا۔ متنازعہ گلاں توں بچدے ہوئے صرف سانجھی گلاں دا ہی ایس دورے وچ ذکر ہوئے گا۔ بنگلہ دیش توانائی دے شعبے وچ بھارت توں مدد لینا چاہندا ہے پر بیراج دے مسئلہ تے مغربی بنگال والے اڑے ہوئے نیں۔ دونوں ملکاں وچ 20 معاہدے ہون گے۔ پانیاں دے مسئلے تے دوناں ملکاں وچ وڈا تنازعہ ہے اتے جداں بھارتی ریاست نے بنگلہ دیش نوں خش کرن لئی اک اجہیا معاہدہ کرن دی کوشش کیتی سی تے ممتا بینر جی دے پریشر اتے مغربی بنگال دے غصے پاروں ایس نوں واپس لے لتا سی۔ بنگلہ دیش اج وی ٹیسٹا بیراج پاروں معاہدہ کرنا چاہندا ہے۔ ممتا دا آکھنا ہے دریاواں وچ پانی اگے ہی گھٹ ہورہیا ہے تاں مارے ایسے کسی معاہدے نوں اساں سپورٹ نہیں کراں گے۔ ہن بنگلہ دیشیاں نوں خش کرن لئی اک نویں ٹرین سروس ڈھاکہ تے کلکتہ وچ چلاون دا اعلان ہو رہیا ہے۔پر دوناں ملکاں وچ اک ہور وڈا مسئلہ بنگلہ دیش وچ رہن والے ہندواں دا ہے جہناں خلاف خود مجیب الرحمن نے وی پی اے ورگا قنون بنایا سی۔ایس قنون پاروں بنگلہ دیشی ہندواں نوں ٹارگٹ کیتا جاندا ہے۔بنگلہ دیشی ہندواں دی جتھے بندیاں ایس بارے رولا پاندیاں نیں۔ 1971توں پہلاں بھارت بنگلہ دیشی ہندواں نوں ورت جکیا ہے اتے ورتے مال دی اہمیتاں کوئی نہیں۔بی جے پی دی سرکار تے آپ نوں ہندواں دا وڈکا آکھدی ہے پر اوہ ایس دورے وچ کوئی لڑائی والی گل توں پرہیز ورتے گی۔ بنگلہ دیش توں چھپن والی اک کھوجی کتاب وچ ایہہ دسیا گیا ہے پئی 1971 توں اج تیک 52 لکھ ہندواں نوں بنگلہ دیش چھڈنا پیا کیونجے انہاں خلاف امتیازی قنون بنائے ہوئے نیں۔اج دے ’’ہندو‘‘ اخبار وچ حسینہ ہوراں اک لمیرا مضمون وی لکھیا پر انہاں وی ویسٹڈ پراپرٹی ایکٹ بارے کوئی گل نہیں کیتی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels