Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پاکستان تے امریکی پریشر دا زمانہ تیز؟دو سال پاکستان لئی اہم

پاکستان تے امریکی پریشر دا زمانہ تیز؟دو سال پاکستان لئی اہم

وچار ڈیسک
April 7th, 2017

وائٹ ہاؤس وچ جنوبی ایشیا دے ڈسک تے اجہی زنانی نوں لادتا گیا ہے جیہڑی پاکستان نوں ات گردیاں حوالے نال آپدی پالیسیاں بدلن دا آکھدی رہندی ہے۔ وائٹ ہاؤس وی نیشنل سیکورٹی کونسل وچ جنوبی ایشیا تے وسط ایشیا لئی ’’لیساکرٹس‘‘ نوں لایا گیا ہے کہ ایس بی بی دی امریکی تھنک ٹینک ہڈسن انسٹی ٹیوٹ توں پچھلے دناں آئی رپورٹ تے کھپ پئی سی۔ ایس رپورٹ وچ اوس دا ساتھ حسین حقانی دتا سی کہ رپور ٹ وچ بہوں ساریاں ہور گلاں توں اڈ ٹرمپ انتظامیہ نوں ایہہ مشورہ وی دتا گیا سی کہ اوہ پاکستان نوں دس دین پئی اوہ ہن ات گردی خلاف امریکی مہماں وچ پارٹنر نہیں ہے۔ لگدا ہے دو دن پہلاں جداں لندن توں آئی ایس پی آر دا امریکیاں نوں انہاں دی پرانی غلطیاں یاد کروان بارے بیان آیا سی تے اوس تے وی ایس دا ہی پر چھانواں سی۔ میڈیا وچ اک ہور وڈے امریکہ تھنک ٹینک وڈرو ولسن نال جڑے اک ماہر آکھیا ہے پئی ایس نویں چہرے بعدوں ہن پاکستان نوں کجھ نہ کجھ کرکے وکھانا ہوسی۔
ہر کوئی ایہہ لکھ رہیا ہے پئی امریکہ اتے ٹرمپ جنوبی ایشیا تے فوکس کرن گے۔ ظاہر ہے اسرائیل نوں اوہ سمجھا نہیں سکدے، امریکہ نوں جس سہانے مستقبل دا انہاں وعدہ کیتا سی اوہ دے نہیں سکدے تاں کوئی میڈل تے اوہ اپنے پہلے سال نوں پورا ہون توں پہلے لاونا چاہندے نیں۔ شام، افغانستان تے پاک بھارت جھیڑیاں وچوں اوہ کس نوں پہلاں فوکس کردے نیں ایس بارے ہلے پکی گل نہیں پر ایہہ تینوں اہم حدف ضرور لگدے نیں۔ نکی ہیلی وی ایس ول اشارے کرچکی ہے۔
اج اوہ ات گردی خلاف مہماں وچ پاکستان توں وادھو امیداں رکھدے نیں اتے جے امیداں پوریاں نہ ہوئیاں تاں لین الٹ وی سکدی ہے اتے ایس گل دا پاکستان وچ سب نوں چانن ہے۔ پاکستان اک پاسے نویں اتحادی وی لبھ رہیا ہے تے دوجے پاسے پرانے باس نال آپ وگاڑ نا نہیں چاہندا۔ پر اک گل تے پکی ہے پئی باہرلیاں سانوں اوسے ویلے ورتیا ہے جداں پاکستان وچ سول ملٹری قیادتاں اک صفحہ تے نہیں ہوندیاں۔ ایوب ، ضیا تے مشرف دے دور ایس دے گواہ نیں۔ ایس حوالے ناں 2017 تے 2018 دے سال زیادہ اہم نیں کہ انہاں دو سالاں وچ پاکستان نوں اجہے ’’طالبان‘‘ تو بچنا چاہیدا ہے جیہڑے ’’بامیان‘‘ دے بت ڈیگن تے چکر وچ پورا ملک ڈیگ دیندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels