Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سب توں پہلاں برطانیہ۔اسلام مخالفتاں تے تنگ نظر قوم پرستیاں۔فارمولا اک ، کردار وکھرے

سب توں پہلاں برطانیہ۔اسلام مخالفتاں تے تنگ نظر قوم پرستیاں۔فارمولا اک ، کردار وکھرے

وچار ڈیسک
April 2nd, 2017

تنگ نظر برطانوی قوم پرستاں دی جتھے بندیBritain Firstیعنی سب توں پہلاں برطانیہ دے فیس بک فالوورز دی گنتری پورے16لکھ ہے تے جداں انہاں ات گردیاں تے اسلامی انتہا پسندیاں خلاف وکھالے دا اعلان کیتا تے2700لوکاں رلن دا آکھیا پر جداں وکھالا ہویا تے مشکل نال نرے ترے سو لوک ہی رلے۔تہانوں یاد ہی ہو سی پئی فیس بک likesویکھ کے ہی مشرف واپس آیا سی تے ائیرپورٹ تے سو بندے وی نہیں سن۔ویسے یاد کرو، ایہہ سب توں پہلاں پاکستان دا نعرہ وی مشرف ہی لایا سی۔ٹرمپ سب توں پہلے امریکہ، لی پن سب توں پہلاں فرانس اتے مودی سب توں پہلاں بھارت دا نعرہ وی لاندا ہے اتے ایہہ سب ’’نیا بھارت، نیا امریکہ، نیا پاکستان‘‘ دے نعرے وی لاندے نیں۔ایہہ سب آپس وچ بہن بھرا جاپدے نیں۔قدامت پسندیاں، تنگ نظریاں،گھٹیا قوم پرستیاں انہاں سب دا فیورٹ ہتھیار جے۔ایہہ اپنے گریبان ول جھانکن دی تھاں ’’باہر‘‘ ول الزام لاندے نیں۔کتھے ایہہ اسلام تے مسلماناں تے الزام لاندے نیں تے کتھے پناہ گیراں تے کتھے چینیاں تے۔
لندن وچ اک اجہیا وکھالا سی۔گارڈین والیاں پوری رپورٹنگ چھاپی ہے۔سب توں پہلاںں برطانیہ تے انگلش ڈیفنس لیگ ’’ات گردیاں خلاف مارچ‘‘ دا اعلان کیتا سی اتے مختلف تھاواں توں وکھالے وچ رلتی لوکاں اوس تھاں تے ملنا سی جتھے اک ات گرد پارلیمنٹ اگے دس دن پہلاں کار ماری سی۔انہاں دا ٹیچا اسلامو فوبیا نوں رگیدنا سی۔پال گولڈنگ سب توں پہلاں برطانیہ دا مہاتما،اوہ جنوری وچ جیل توں رہا ہویا۔اوس نوں عدالت اک مسیت وچ جاون توں روکیا سی پر اوہ فیر وی مسیت وچ وڑ گیا تے عدالتی توہین کرن پاروں جیل گیا سی۔اوہ وکھالے وچ پیش پیش سی۔اوس دی ماں نیں اج دی مارچ لئی چار سو یونین جیک بنائے سن پر وکھالے وچ ترے سو لوک وی نہ آئے۔ماں وی وکھالے وچ رلتی سی۔گھٹ گنتری نے مایوس کیتا پر ایمان دی طاقت گھٹ نہیں سی۔78سالہ للی وائٹ وی وکھالے وچ رلتی سی اتے اوس دا آکھنا سی پئی برطانیہ دی سرکار ’’اسلام دے خطرے‘‘ نوں پوری طراں نہیں سمجھ سکی۔اک لیڈر آکھیا پئی مسلمان ساڈے وچ رلنا نہیں چاہندے۔پاکستان وچ وی اجہے لوک وادھو نیں تے سب دا بیانیہ رلدا ملدا ہے۔بس جیہڑا وی ’’سب توں پہلاں‘‘ دا نعرہ لائے تسی سمجھ جاؤ اوہ کتھوں بول رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels