Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بشارالسد نوں ہٹانا ساڈا ٹیچا نہیں۔ نکی ہیلی امیریکی سفیر،پالیسی حالات پاروں بدلی؟

بشارالسد نوں ہٹانا ساڈا ٹیچا نہیں۔ نکی ہیلی امیریکی سفیر،پالیسی حالات پاروں بدلی؟

April 1st, 2017

اقوام متحدہ وچ امریکی سفیر نکی ہیلی اج ایہہ بیان دتا کہ اج دی امریکی سرکار بشارالسد نوں ہٹاون وچ زیادہ دلچسپیاں نہیں رکھدی۔ انہاں دا آکھنا سی اوبامہ ویلے ایہہ پالیسی سی پر اج پالیسی بدل چکی ہے۔ امریکی خارجہ وزیر ریکس ٹیلر سن ہوری پہلاں ہی اجیہابیان دے چکے نیں کہ غور کرن دی گل ایہہ ہے پئی پالیسی کنج تے کیوں بدلی ہے یا فیر حالات بدل چکے نیں؟ جداں روس تے چین شام وچ لڑن والے سارے کرداراں نوں اک ٹیبل تے لے آئے اتے ایران وی انہاں نال رلتی ہے تاں امریکہ نوں وی پالیسی بدلنی پئی۔ جے ایہو پالیسی عراق تے لیبیا بارے وی ہوندی اتے سارا زور نرا ’’سرکار بدلن‘‘ تے نہ ہوندا تاں اج حالات بہوں ہور ہوندے۔شمالی اتحاد نوں وی اینج ہی ٹیک ملی سی اتے اوہ افغانستان وچ اک گروہ سی تے اوسویلے سب دھڑیاں نوں رلتی نہیں کیتا گیا سی۔عراق وچ وی ایہو ہویا سی پر لبیا ویلے تے سب بھیڑی طراں ایکسپوز ہو گیا تے پکار پئے گئی۔ اوبامہ نوں ایس دا احساس سی تاں مارے لیبیا بارے اوس آکھ دتا سی پئی فرانس تے برطانیہ لیبیا وچ گند پایا۔اوس گند وچ سی آئی اے دا کڈا حصہ سی ایس بارے اوبامے تے نہیں بولنا سی۔ دلچسپ گل ایہہ ہے پئی ایران والے عراق تے لیبیا وچ ’’سرکار بدلن‘‘ والی نکمی پالیسی دے حمائیتی سن جو اک وڈا گھپا سی۔ شام دے حوالے نال سفارتی سطح تے روس، چین لیڈ لے چکے نیں اتے ایس پاروں امریکہ نوں پالیسی بدلنی پئے گئی۔ پرانی پالیسی وچ برطانیہ تے فرانس امریکہ دے پارٹنر سن۔ مڈل ایسٹ وچ اک پاسے امریکہ نوں شام بارے نکمی پالیسی راہیں نقصان ہویا تے دوجے پاسے امریکہ دے ’’دوقومی حل‘‘ نوں اسرائیل منن نوں تیار نہیں۔ ٹرمپ ایڈمنسٹریشن اسرائیل دا تے کجھ وگاڑ نہیں سکی حلانکہ ایس مسئلہ تے امریکہ نوں سفارتی کامیابیاں لبھ سکدیاں نیں۔ قذافی،صدام وانگ بشار السد وی اک قابض حکمران ہے پر جدوں اوس نوں کوئی باہروں آکے ہٹائے گا تے اوس لئی ہمدردیاں ودھ جان گیاں۔سن دھڑیاں نوں اک ٹیبل تے بٹھان والی پالیسی افغانستان توں شام تیک مسلیاں دا حل دسدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels