Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فرانس: چینی باشندے دا پلس ہتھوں قتل۔ وکھالے شروع(ویڈیو)

فرانس: چینی باشندے دا پلس ہتھوں قتل۔ وکھالے شروع(ویڈیو)

وچار ڈیسک
March 30th, 2017

رات نوں پیرس وچ اک دم وکھالے پھٹ پئے کہ جداں ایہہ خبر آئی پئی پلس نے فرانس وچ رہن والے اک چینی نوں قتل کر چھڈیا ہے۔ پلس نے اوس دی بلڈنگ وچ چھاپہ ماریا سی۔ فرانس وچ وسن والی ایشیائی برادری دے لوک انہاں وکھالیاں وچ رلتی نیں۔ 56سالہ Shaoyo Liu ہوراں دی بلڈنگ وچ پلس وڑی سی۔ پلس دا آکھنا سی سانوں خبر سی کہ اوتھے کوئی چھری لے کے وڑیا ہے۔ جداں کے Liu دی کڑی دا آکھنا ہے پئی میں کچن وچ کھانا بنارہی ساں تے میرے ہتھ وچ سبزی کٹن دی چھری سی جداں بوہا کٹیا گیا۔پلس اک کہانی جوڑی ہے۔’’مینوں تے کجھ پتہ ہی نہیں چلیا تے سب کجھ چند سیکنڈاں وچ واپر گیا۔‘‘ چین دی خارجہ وزارت نے فرانس دے نمیندے نوں سدیا ہے اتے اوس اگے اپنا احتجاج رجسٹرڈ کروایا ہے۔ انہاں آکھیا کہ اسی فرانسیسی سرکار نال رابطے وچ ہاں اتے فرانس وچ چینی برادری دے لوک تسلی رکھن پئی اساں انہاں دے تحفظ نوں یقینی بناواں گے۔ فرانس دے خارجہ وزیر وی چین نوں یقین دوایا ہے کہ فرانس چینی برادری نوں تحفظ دے رہیا ہے۔ فرانس وچ رہن والے چینیاں دی تعداد وادھو ہے اتے انہاں نوں پلس کولوں شکائیتاں نیں کہ اوہ نسلی برتری دا رویہ رکھدے نیں۔ پچھلے سال ستمبر وچ وی فرانس رہن والے چینیاں مظاہرے کیتے سن۔ نسلی قوم پرستی دا ماحول چوناں پاروں کھڑا ہورہیا ہے اتے ایس ماحول نوں نسلی قوم پرست جان بجھ کے ودھا رہے نیں۔ فرانسیسی پلس تے چینی باشندیاں وچ جھیڑیاں دی تریخ پرانی ہے۔ پر چینی باشندے وکھالے نہیں کردے۔ جے اج اوہ وکھالے کررہے نیں تے ایس دا مطلب ہے کہ مسئلہ بہوں زیادہ خراب ہوچکیا ہے۔ نسلی قوم پرستی دے وقوعے کجھ دناں توں زیادہ ہورہے نیں۔ اک کالے نال پچھلے دناں پلس نیں جنسی زیادتیاں کیتیاں سن۔ ایس سب دا چوناں نال اک خاص تعلق ہے۔ہالینڈ وچ شکستاں توں بعدوں نسلی قوم پرست شیادہ چوکس نیں اتے فرانسیسی تے غیر فرانسیسی لڑائیاں نوں ودھاندے ہوئے اپنا کھیڈ کیھڈنا چاہندے نیں۔آندے نیں یورپ وچ سب توں زیادہ چینی فرانس وچ ہی رہندے نیں اتے آن والی چوناں وچ ایہہ نسلی قوم پرستاں دے خلاف نیں تاں مارے ایہہ ٹارگٹ تے نیں۔
Watch the protest, protesters & Police
https://youtu.be/Ije_SpIDngk


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels