Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اک سکہ دورخ:جناح ہاؤس ڈگادیو، مندر ڈھا دیو

اک سکہ دورخ:جناح ہاؤس ڈگادیو، مندر ڈھا دیو

وچار ڈیسک
March 30th, 2017

پاکستان تے بھارت وچ سیاستاں کرن والے بنیاد پرست اک دوجے دے بھائی بندنیں اتے اک دوجے نوں تگڑا وی کردے رہندے نیں۔ نویں خبر بی جے پی دے اسمبلی ممبر منگل پرابھت لودھا ولوں آئی ہے جس تواریخی جناح ہاؤس نوں ڈگا کے کلچرل سنٹر بناون دا مطالبہ کیتا ہے۔یوپی دی چوناں جتن بعدوں بی جے پی والیاں تے ’’یوپی والیاں‘‘ دا رنگ چڑھ گیا ہے۔ جناح ہاؤس بمبئی وچ اوہ عمارت جتھے محمدعلی جناح رہندے سن۔ لودھا ہوراں نوں پراپرٹی کنگ وی آکھیا جاندا ہے کہ بھارتی سیاستاں وچ وی پراپرٹی ڈیلر ہی اگے اگے نیں۔ایہہ اوہ حقیقت جس پاروں جنوبی ایشیا دے بوتھے دا اصل رنگ ویکھیا جا سکدا ہے۔ لودھا ہوراں آکھیا پئی جناح ہاؤس ونڈ دی علامت ہے۔ ویسے اوہ بھل رہے نیں ونڈ دی علامت اوہ سب نیں جہناں 3 جون دے معاہدے تے دستخط کیتے سن اتے انہاں وچ پٹیل وی رلتی ہے جس دے بت اج کل ہر تھاں لائے جا رہے نیں۔ لودھا آکھیا ہے پئی ایس بلڈنگ نوں ڈھاکے ایتھے مہارا شہٹر کلچر لئی سنٹر بنایا جائے۔ اوہ بھل رہے نیں کہ محمد علی جناح وی گجراتی ہی سن ۔حیران نہ ہونا، جناح ہاؤس 1965 دی جنگ تیک محمد علی جناح دی ہی جداد سی پر 1965 بعدوں پاکستان تے بھارت نے ’’دشمن جداداں‘‘ دے عنوان تے قنون بنائے سن۔ انہاں قوانین پاروں پاکستان تے بھارت وچ بہوں ساریاں جداداں تے ریاستی قبضے ہوئے سن۔ وڈی حیرانی تے ایہہ ہے پئی شیخ مجیب الرحمن نے وی ایس قنون نوں چند نویں ترمیماں بعدوں 1972 دے سال بنگلہ دیش وچ جاری کردتا سی۔ شیخ مجیب دا بنگلہ دیش اپنے آپ نوں سیکولر آکھوانہ سی پر جداں انہاں Enemy Property Act دا ناں بدل کے Vested property Act یعنی وی پی اے لایا تے نویں ریاست دا بوتھا وی اونج دا ہی ہوگیا جنج 1971 توں پہلاں سی۔ جے جنوبی ایشیا وچ ایس قنون دی تواریخ لکھی جائے تاں چانن ہوجائے۔ ایہہ قنون پاکستان، بھارت تے بنگلہ دیش دے بنیاد پرستاں، مہا قوم پرستاں اتے پراپرٹی مافیا نوں بہوں سوٹ کردا ہے اتے بی جے پی دے ممبر وی انہاں دی وکالتاں کررہے نیں۔پراپرٹی ڈیلنگ تے سیاست دا تال میل کڈ لو تاں سب کجھ سمجھ آجائے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels