Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پاسپورٹ بدلن دا مطلب ایہہ نہیں کہ میں پاکستان دے خلاف ہاں: عدنان سمیع

پاسپورٹ بدلن دا مطلب ایہہ نہیں کہ میں پاکستان دے خلاف ہاں: عدنان سمیع

وچار ڈیسک
March 28th, 2017

مینوں اوس دور وچ پاکستان دی داخلہ وزارت والیاں بہوں تنگ کیتا سی اتے اوہ میرا پاسپورٹ مڑ بناون وچ اڑچلاں پارہے سن۔ میرا بھارتی پاسپورٹ لین دا کوئی ارادہ ہی نہیں سی۔ پر فیر اوہ ویلہ آیا جداں میں نہ پاکستان دا شہری ساں نہ کسے ہور ملک دا کہ پاکستانی پاسپورٹ دی مدت مک چکی سی۔ اوس موقع تے جداں مینوں اک بھارتی دوست پاسپورٹ بدلن دا آکھیا تے میں اوس ویلے State Lessness دا شکار ساں۔ میں اج وی پاکستان نال محبت کرداں ہاں تے پاکستانی میرے نال پیار کردے نیں۔ اوہ لندن آئے ہوئے سن جتھے انہاں اپنے فن دا مظاہرہ کیتا۔ پروگرام وچ لندن دے میئر صادق خان وی رلتی سن۔
عدنان سمیع دی ماں جموں اتے والد ارشد سمیع خان پختون نیں تے ائیر فورس توں سول سروس وچ آئے سن اتے فیر 14 ملکاں وچ پاکستان دے سفیر وی رہے۔ انہاں دی والدہ اقلیم اختر (رانی) دی نیڑے دی رشتے دار ہے۔ ارشد سمیع خان ایوب یحیٰ تے بھٹو دے اے ڈی سی وی رہے اتے غلام اسحاق خان، بے نظیر بھٹو، غلام مصطفی جتوئی فاروق لغاری، وسیم سجاد، اتے نواز شریف دے چیف آف پروٹوکول وی رہے۔ 2012 وچ ارشد سمیع نوں ستاہ امتیاز دتا گیا۔ 2008 وچ انہاں اک اے ڈی سی تے تن صدر (انگریزی) دے نال نال کتاب وی لکھی۔ 2009 وچ بیمار ارشد سمیع دا بمبئی وچ انتقال ہوگیا سی تے انہاں نوں پور ے فوجی اعزاز انال21 توپاں دی سلامی بعدوں پاکستان وچ دفنایا گیا سی۔ عدنان سمیع کنگز کالج تے لنکن ان ورگے اداریاں توں قنون دی ڈگری لتی سی۔ عدنان سمیع سر سنگیت وچ وڈیاں کامیابیاں تے ایوارڈ حاصل کیتے۔
1993 وچ عدنان دا ویاہ زیبا بختاور نال ہویا سی جو بھٹو دور دے اٹارنی جنرل تے سیاستدان یحیٰی بختیار دی دھی سی۔ پر ایہہ ویاہ چار سال ہی چل سکیا۔ 2001 توں عدنان سمیع بھارت وچ زیادہ ٹہرن لگیا سی تے اپنا کم وی کردا سی۔ 2001 وچ ہی عدنان نے دبئی وچ رہن والے عربن صباگلہ داری نال ویاہ کرلتا۔ ایہہ دوناں دی دوجی، دوجی شادی سی۔ ڈیڑھ سال بعد ایہہ ویاہ وی مک گیا۔ 2008 وچ گلہ داری تے عدنان مڑ رل کے رہن لگے اتے صبا گلہ داری وی بمبئی عدنان کول آگئی۔ اپنے والد دے مرن توں اگلے سال جنوری 2010 وچ عدنان نے تریجا ویاہ کیتا اتے ایس وار عدنان نوں جو کُڑی لبھی اوہ ہے تے جرمن سی پر اوس دا خاندان افغانستان توں جرمنی گیا سی۔ اوس دا ناں ’’رویا‘‘ ہے۔آندے نیں رویا نال وعدنان دی ملاقات بمبئی وچ ہی ہوئی سی۔ عدنان دے پیو دا دادا تے نانا دونوں افغان فوج وچ رہے سن۔ایہہ ویاہ افغان بھارت رلویں پرجیکٹ دا حصہ سی؟ ایس بارے سوال وادھو۔ ایس ویاہ توں بعد وی 5 سال عدنان پاکستانی پاسپورٹ تے ہی رہیا۔ 2014 تے 2015 وچ اوس نوں پاکستانی داخلہ وزارت ولوں پاسپورٹ مڑ بناون حوالے نال تنگ کتا گیا۔ 2016 وچ اوس نوں بھارتی شہری من لتا گیا۔عدنان دا پاسپورٹ داخلہ قزارت دے کہیڑے افسراں مڑ جاری کرن وچ اڑچلاں پائیاں سن ایس بار ے پتہ کرانا ایڈا اوکھا کم نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels