Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پنجاب ریسرچ گروپ دی کھوجی کانفرنس

پنجاب ریسرچ گروپ دی کھوجی کانفرنس

وچار ڈیسک
March 28th, 2017

برطانیہ وچ 33 سالاں توں اک کھوجی گروپ پنجاب تے پنجابی حوالے نال کھوجی کم تے کانفرنساں کروا رہیا ہے۔ 25 مارچ، 2017 نوں وی انہاں کانفرنس کروائی ہے۔ ایہہ سال وچ دو وار کانفرنساں کرواندے نیں۔ انہاں 29 مارچ 1849 دے حوالے نال وی کدی کوئی کانفرنس کروائی ہے؟یا اوس کارویہار بارے کوئی کھوج لائی ہے جہیڑا لہور دربار دے زمانے ہوندا سی؟ ایس بارے تے معلوم نہیں پر تازی کانفرنس بارے معلومات اساں لکھ رہے ہاں۔ انہاں کانفرنساں وچ دونوں پنجاباں بارے وی گل ہوندی ہے اتے پنجاباں توں باہر پنجابیاں بارے وی۔ 25 مارچ دی اک دن دی کانفرنس وچ وی پاکستان، بھارت تے برطانیہ دے سکالراں اپنی لکھتاں پیش کیتیاں۔ انہاں وچ ایف سی کالج یونیورسٹی، لہور توں خصرجواد، لیڈز یونیورسٹی توں سارا گندے، گنگز کالج توں رادھا کپوریہ، ایس ڈی پی آئی توں احمدسلیم، دلی یونیورسٹی توں امیت ورما، وریسٹر یونیورسٹی توں جیوندر کور ڈھلوں،سنیسٹ تھامس، سینٹ تھامس، برسٹل یونیورسٹی توں سرنجیت سنگھ ٹھاکر، رائل ہالوے یونیورسٹی توں ریوندر بارن، ایف سی کالج یونیورسٹی لہور توں شہزادی زمرد اعوان تے ڈی اے وی کالج چندی گڑھ توں سکون این سنگھ رلتی سن۔
مختلف سیشن ہوئے جہناں وچ صدارتی کرسی تے پریتم سنگھ تے پربھ شرندیپ سنگھ (آکسفورڈ یونیورسٹی)، ایلے نور نسبت (وار وک یونیورسٹی) تے نادیہ سنگھ (آکسفورڈ بروکیز یونیورسٹی) بیٹھے سن۔ زیادہ تر کھوجی پی ایچ ڈی سکالر سن۔ ایس موقع تے بلیر سنگھ کنول نوں خصوصی سرٹیفکٹ وی دتا گیا تے انہاں دی پنجابی لٹریچر لئی خدمتاں نوں سراہیاں گیا۔ پریتم سنگھ ہوراں اخیر وچ ایس کانفرنس کروان تے جناب آرمان، بی بی نادیہ سنگھ تے بی بی گیتا سنہا ہوراں نوں مبارکاں دتیاں۔ اکثر ایہہ وی ویکھیا گیاہے پئی رواجی تواریخی تے سیاسی دیومالا نوں توڑے بغیر نویں کھوج اگے ٹوری جاندی ہے۔پرانے بینیے تے نویں عمارت کھڑی نہیں ہو سکدی۔ جے ایہہ کھوجی پیپرز کسے اک ویب سائٹ تے رکھے جاون تاں انہاں بارے زیادہ بھرنویں گل ہوسکدی ہے۔ پر پنجاب بارے لکھن والے زیادہ تر کھوجی ’’سیاسی تے تواریخی دیو مالا‘‘ دے نوآبادیاتی رنگ نوں چھیڑے بغیر ہی نویں کھوج چکنا چاہندے نیں۔ پنجاب ریسرچ گروپ جے گل نوں اگے ٹور سکیا تاں ایہہ پنجاب تے پنجابی حوالے نال اک وڈی چھال ہوئے گی جس دی بہوں لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels