Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ وچ ترقی پسند یہودیاں دا فلسطینی تھاواں تے اسرائیلی قبضیاں خلاف وکھالا (ویڈو)

امریکہ وچ ترقی پسند یہودیاں دا فلسطینی تھاواں تے اسرائیلی قبضیاں خلاف وکھالا (ویڈو)

وچار ڈیسک
March 28th, 2017

سارے یہودی فسلطینی تھاواں تے اسرائیلی قبضیاں دے حق وچ نہیں۔ ایہہ اوہ گل ہے جیہڑی ساڈے اُردو میڈیا وچ نہیں دسی جاندی۔ ترقی پسندو لبرل یہودیاں دی امریکہ وچ اک تنظیم It Not Now ہے جس نے اک وکھالے دا بندوبست کیتاہے۔ واشگٹن کنونشن سنٹر وچ اک تن روزہ وڈی کانفرنس کیتی جارہی سی جس نوں اسرائیل امریکہ جتھے بندی AIPAC والے آرگنائز کروارہے سن۔ایہہ اک وڈا پالیسی ایدوکیسی دا ادارہ ہے جس دا بڑا اثر ہے۔ ایس تنظیم وچ ٹونی بلیر ورگے وی گل بات کرن گے۔اتوار نوں ایہہ کانفرنس جداں شروع ہونی سی تے احتجاجیاں ایس تھاں نوں بلاک کر چھڈیا سی۔ اوہ کنونشن سنٹر دے دوناں بوہیاں اگے وڈی تعداد وچ کھلو گئے۔ احتجاجیاں دا آکھنا سی پئی فسلطینی تھاواں تے وستیاں نہ بناؤ اتے انہاں نوں اپنے فیصلے آپ کرن دیو۔ تنظیم اپنی ٹوئیٹ وچ دسیا ہے پئی AIPAC والے یہودیاں نوں دنیا توں کٹنا چاہندے نیں۔ وکھالے وچ اک ہزار توں وادھو یہودی منڈے کڑیاں رلن گے اتے ایہہ نیویارک، واشنگٹن،ڈینور، شکاگو،فیلاڈیلفیا تے بوسٹن توں آرہے نیں۔ایہہ گلIt Not Nowوالیاں دا آکھنا ہے۔ویکھیا جا رہیا ہے پئی نوجوان یہودی منڈے کڑیاں مسلسل لڑائیاں توں تنگ آچکے نیں جداں کہ بابے ودامت پسند نیں۔ایہو ٹرینڈ سانوں بریگسٹ دے حوالے نال برطانیہ وچ وی نظر آیا سی جتھے نوجوان یورپ نال رل مل چلنا چاہندے سن۔یوتھ نویں صدی نوں پچھلی صدی دے گند توں کڈنا چاہندی ہے اتے ایہو گل اج یہودی نوجوان وی کر رہے نیں۔پر قدامت پسند حلقے اتے ریاست دے اصل مالک پرانے بیانیاں نال ہی چمٹے ہوئے نیں۔It Not Now والیاں ایس نوں یہودی مزاحمت دا ناں دتاہے۔ تھلے دے لنک تے تساں ویڈیو وی ویکھو تے ایس ھوالے نال ہور خبراں وی پڑھو۔
Watch and read for more details

#JewishResistance: Protesters block AIPAC conference calling for end to Israel occupation (VIDEOS)

https://www.rt.com/usa/382374-jewish-resistance-protest-aipac/



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels