Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> 250 پناہ گیراں دے مرن دا خطرہ:خیر ہے،پئی ایہہ انسان نہیں پناہ گیر ہی نیں

250 پناہ گیراں دے مرن دا خطرہ:خیر ہے،پئی ایہہ انسان نہیں پناہ گیر ہی نیں

وچار ڈیسک
March 25th, 2017

بحیرہ روم وچ لبیا دے ساحل توں 15 میل پہلے زیادہ ترلاشاں اوس این جی او نوں ملیاں نیں جیہڑی پناہ گیراں لئی کم کردی ہے۔ ہسپانوی این جی او Proactiva Open Arms (پی او اے) دی بلارن’’ لورا لانوزا‘‘ ہوراں میڈیا نوں دسیا ہے پئی اوہ سمندراں وچ کشتیاں نما ربڑ لگے پھٹیاں تے سمندراں وچ وڑ جاندے نیں جیہڑے محفوظ نہیں ہوندے۔ فیر جتھے 140 بندیاں دی گنجائشاں ہوندیاں نیں اوتھے 200 بندے وڑ جاندے نیں۔ لاشاں ویکھ کے لگدا ہے پئی زیادہ تر پناہ گیر 16 توں 25 سال دے سن اتے لگدا ہے اوہ 24 گھنٹے پہلاں ڈب گئے سن۔ اوہ سب افریقی لگدے نیں۔ پناہ گیراں لئی کم کرن والے اقوام متحدہ دے ادارے یو این ایچ سی آر دے یورپی بلارے دسیا ہے پئی جیہڑی این جی او لاشاں لبھ رہی ہے اوس دسیا ہے کہ اک ہور تھاں ول لاشاں دا خدشہ ہے۔ پہلے سانوں لگدا سی دو کشتیاں الٹیاں سن پر اہن ایہہ ترے ہوسکدیاں نیں۔ پچھلے ہفتہ نوں اٹلی والیاں نرے ست دناں وچ 6000 پناہ گیر پھڑے نیں۔ سب نوں یاد ہے پئی جداں جرمنی دی چانسلر تے امریکی صدر پچھلے ہفتے ملے سن تے ٹرمپ پناہ گیریاں خلاف ودھ ودھ گلاں کیتیاں سن۔ اوس دے جواب وچ جرمن چانسلر ایہہ آکھیا سی پئی جداں تیک انہاں ملکاں بارے اسی اپنی پالیسیاں بدل کے اوتھے امن نہیں کراں گے اوس ویلے تیک پناہ گیر آندے رہن گے۔ ایہو اوہ گل ہے جس نوں اج سمجھن دی لوڑ ہے۔ ایہہ مرن والے پناہ گیر کیہ انسان نہیں؟ یورپ تے امریکہ وچ نسلی قوم پرست گھٹ و گھٹ انہاں نوں انسان منن دے وی حق وچ نہیں۔ اوبامہ تے آکھ چکیا سی پئی فرانس تے برطانیہ دی گھٹیا پالیسیاں پاروں لبیا وچ افراتفری مچی سی۔ جداں تیک شام، افغانستان، لبیا وغیرہ وچ امن دی راہ نہیں کڈی جائے گی پناگیر کنج رکن گے؟ یورپ وچ اج پناہ گیراں خلاف جو کجھ ہورہیا ہے اوہ کسے باہرلے نہیں کیتا سگوں ایہہ سب وی یورپ دا اپنا لکواں بوتھا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels