Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ڈیوڈ ملیچھ فریڈمین: اسرائیل وچ نواں امریکی سفیر۔بنیاد پرست یہودیاں دا حمائیتی

ڈیوڈ ملیچھ فریڈمین: اسرائیل وچ نواں امریکی سفیر۔بنیاد پرست یہودیاں دا حمائیتی

وچار ڈیسک
March 25th, 2017

امریکی صدر اسرائیل وچ اپنے یار اتے مشیر ڈیوڈملیچھ فریڈ مین نوں سفیر لادتا ہے ۔ایس دی منظوریاں اج امریکی سینیٹ نے بڑی مشکلاں نال دتیاں۔ ساڈے ایتھے تے سفیر لاون دا کم بیوروکریسی اپنے ہتھ وچ رکھیا ہے اتے اسمبلیاں دا کوئی کردار ہی نہیں ہوندا۔ جہیڑے لوک اج حسین حقانی بارے کھپ پاندے نیں اوہ ایہہ کیوں نہیں آکھدے پئی اہم ملکاں وچ سفیر لاون لئی پارلیمنٹ توں منظوریاں لینی چاہیدیاں نیں۔امریکی سینیٹ وچ ہون والی ووٹنگ وچ سفیر ہوری بڑی مشکل نال جتے نیں۔ میڈیا نے ایس نوں بڑی حیرانی نال ویکھیا ہے۔ ملیچھ ہوری اسرائیل دی بنیاد پرست لابیاں دے نیڑے نیں تے فلسطین وچ یہودی وستیاں بناون دی حمائیتاں کر چکے نیں۔اوہ اک قدامت پرست گھر وچ جمے اتے انہاں دے والد نیویارک وچ یہودیاں دے ربی(مفتی)سن۔ اج جداں انہاں نوں سفیرلاون دے حوالے نال ووٹنگ ہوئی تے46 سینیٹراں انہاں دی مخالفت تے 52 نے انہاں دی حمائیت کیتی۔ جے ترے ووٹ وی ادھر ادھر ہوجاندے تے ٹرمپ نوں لگ پتہ جاندا۔دو ڈیموکریٹک سینیٹراں پارٹی پالیسی توں ہٹ کے ڈیوڈ ملیچھ دے حق وچ ووٹ دتا اتے دو ریپبلکن سینٹراں ووٹنگ وچ حصہ نہیں لتا۔ چیتے رہے اسرائیل والے امریکہ دی ’’دوقومی‘‘ پالیسی دے خلاف نیں۔تاں مارے نیتن یاہو ہوراں ملیچھ نوں جی آیا نوں آکھیا۔ میڈیا نال کیتی گل بات وچ نویں سفیر دوناں ملکاں وچ چنگے تعلقات بارے تے گل کیتی پر انہاں دو قومی پالیسی بارے گل نہ کیتی کہ ایس ویلے وڈا چلینج تے ایہو ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels