Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ افغان امن کانفر نس دا بائیکاٹ کر سی؟سٹیٹ ڈیپارٹمنٹ خموش

امریکہ افغان امن کانفر نس دا بائیکاٹ کر سی؟سٹیٹ ڈیپارٹمنٹ خموش

وچار ڈیسک
March 24th, 2017

اپریل دی 14 تریخ نوں افغانستان بارے کانفرنس توں لگیاں امیداں نوں اک دھچکہ۔ خبر بارے ہلے تیک سینیٹ ڈیپارٹمنٹ اپنا بیان نہیں دتا پر فنانشل ایکسپریس والیاں ایہہ خبر ذرائع نال چھاپ ماری ہے۔ دوجے پاسے پاکستان 7 طالبان لیڈراں نوں ماسکو لیجاون لئی تیار کررہیا ہے۔ جے ایہہ خبرسٹیٹ ڈیپارٹمنٹ ولوں وی آگئی تے اسلام آباد نوں مڑ ایس بارے سوچنا پئے گا۔ خبر پاروں 14 اپریل نوں ماسکووچ جیہڑا اجلاس ہورہیا ہے اوس وچ پاکستان، امریکہ، چین، ایران، بھارت تے افغانستان سب رلتی نیں۔ فروری وچ ماسکو دی آگوائی وچ جیہڑی چھ ملکی کانفرنس افغانستان وچ ہوئی سی اوس وچ چین، بھارت، ایران تے پاکستان رلتی سن۔ جداں روسیاں شام وانگ’’ لڑن والے ساریاں دھڑیاں‘‘ نوں اک ٹیبل تے بٹھاون دی پالیسی دا اعلان کیتا سی تے لندن تے واشگٹن نوں ایہہ گل پسند نہیں آئی سی۔پر چین نے ایس پالیسی دی کھل کے حمائیتاں کیتیاں سن۔ حیران نہ ہونا افغانستان دے قومی سیکورٹی مشیر محمد حنیف اتمار ہوراں وی ایس پالیسی نوں منیندے نیں اتے اوہ مارچ دے مہینے وچ ہی روسی خارجہ وزیر’’ سرجے لوروو( Sergey Lavrov) ہوراں نوں ملے وی نیں۔ اینج نظر آندا ہے پئی ہر ملک اندر مختلف لابیاں مختلف زاویاں توں ماسکو مذاکریاں ول ویکھ رہیاں نیں۔ کیونجے اتمار ہوری پہلے داخلہ وزیر وی رہ چکے نیں تاں مارے انہاں نوں افغان ایجنسیاں وچ امن مذاکریاں خلاف لابیاں دا وی پتہ ہے۔ اصل سوال ایہہ ہے پئی افغانستان وچ امن لئی لڑن والے دھڑیاں نوں اک صفحہ تے بٹھایا جائے یا نہیں؟ ٹرمپ ویسے تے روسیاں نال رشتیاں تے اتراندا ہے پر افغانستان وچ امن نوں اوہ اک موقعہ دین لئی تیار نہیں۔ افغانستان وچ وی اک لابی ایس جنگ نوں جاری رکھنا چاہندی ہے پئی ڈالراں دی ریل پیل جاری رہنی کس نوں بھیڑی لگدی ہے۔ افغان خارجہ وزیر کجھ دن پہلے واشگٹن جاکے مزید 8400 فوجیاں نوں گھلن دا مطالبہ تاں مارے ہی کیتا ہے۔ انہاں دا آکھنا ہے پئی دولت اسلامیہ تے طالبان رل مل کابل تے قبضے لئی تیار کھلوتے نیں۔ ذرا غور کرو جے مسئلہ ایڈا وگڑ چکیا ہے فیر تے ماسکو کانفرنس ولوں اک سدھا تے وڈا پیغام جانا لوڑی دا ہے۔ جے روس وچ طالبان دے کجھ دھڑے آرہے نیں تے ایہہ وی چنگا ہے پر ہورے ایہہ کجھ قوتاں نوں منظور نہیں۔امن دی تھاں ایس گل دی اہمیتاں وادھو نیں پئی مذاکراتاں دی کامیابیاں دا سہرا کس دے در چڑھے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels